Genus vocis est singulare genus vocis cantantis, cui certa ingenia vel proprietates propriae tribuuntur. Classificatio vocis est ratio qua voces humanae aestimantur et ergo in genera vocum digeruntur. Inter has proprietates sunt spatium vocale, pondus vocale, textura vocalis, timbre vocale, et loci transitionis vocalis, sicut intervalla et elevationes intra vocem. Aliae res sunt proprietates physicae, gradus orationis, examinatio scientifica, et registratio vocalis.[1] Scientia classificationis vocalis intra musicam classicam Europaeam crevit, et aliis generibus canendi plerumque non adhiberi potest. Classificatio vocalis saepe intra operam adhibetur ad coniungendas personas cum cantoribus qui fieri possunt. Hodie sunt in usu nonnulla systema varia, inter quae Fach (systema Germanicum), systema musicae choralis, et alia. Nullum systema in universum adhibetur vel accipitur.[2]