Cave: notitiae huius paginae nec praescriptiones nec consilia medica sunt.
Rhythmus cordis normalis - In electrocardiogrammate unda P diffusionem electricam coordinatam per atria cordis indicat et complexum QRS praecedit. In fibrillatione atriali autem undae P non inveniuntur.
Fibrillatio atrialis (FA seu Fib-A[1]) est perturbatio rhythmi cordis saepissima,[2] quae pulsum irregularem et saepe frequentem efficit. Symptomata eius diversa et non specifica esse possunt. Cum FA embolum formans ad morbos ut apoplexiam cerebri aut dementiam pertinet, therapia eius idonea magni momenti est.
Derivatio superior fibrillationem atrialem ostendit, inferior rhythmum normalem.
Fibrillatio atrialis est e rhythmis aberrantibus cardialibus creberrimus[3]. Anno 2010 in orbe ducenties centena milia virorum et centies vicies quinquies centena milia mulierum in fibrillationem atrialem inciderant[4]. Crementum in populis demonstratum est. Tempus laboris amplius quinquagenis quinis horis in hebdomada cum incidentia fibrillationis atrialis ampliore sociatum est.[5].
Periculum embolorum formationis quoque magnum momentum habet, quia structurarum cerebralium apoplexia non rare sequitur. Probabilitatem embolorum formationis definitum scala CHA2DS2-VASc (prius versio simplicior CHADS2) medicis auxilium discriminis esse solet. Si possibilitas alta calculatur, anticoagulatio sanguinis fiet.
↑Aliae linguae his abbreviaturis utuntur (Dacoromanica, Francogallica, Hispanica), aliae abbreviaturis similibus (e. g. Anglica), aliae diversis ( e. g. Theodisca). Abbreviaturae usus in loco hoc lectori hanc morbum saepissimum abbreviaturis quoque conciliari conetur?
↑Kivimäki M,Nyberg ST, Batty GD, Kawachi I, Jokela M, Alfredsson L, Bjorner JB, Borritz M, Burr H, Dragano N, Fransson EI, Heikkilä K, Knutsson A, Koskenvuo M, Kumari M, Madsen IEH, Nielsen ML, Nordin M, Oksanen T, Pejtersen JH, Pentti J, Rugulies R, Salo P, Shipley MJ, Suominen S, Theorell T, Vahtera J, Westerholm P, Westerlund H, Steptoe A, Singh-Manoux A, Hamer M, Ferrie JE, Virtanen M, Tabak A (September 2017). "Long working hours as a risk factor for atrial fibrillation: a multi-cohort study". Eur Heart J38 (34): 2621–8