Ctenopharyngodon idella est magna species piscium herbivororum aquae dulcis familae Cyprinidarum, qui in Asia Orientali endemici sunt, primum ab Vietnamia septentrionali ad Amurem flumen in finibus Siberiae et Sinae inventus.[1] Quae cyprinida Asiana est sola species generis Ctenopharyngodontis.
In cultura Sinica, cibo hominum colitur, sed in Europam et Civitatibus Foederatis ad herbas malas aquaticas continendas introducta est, unde species piscium maxime in productione pisciculturali per orbem terrarum facta est, plus quam quinque milliones tonnarum per annum generans.[2]
Ctenopharyngodon idella est piscis magnorum turbidorumque fluminum et lacuum consociatorum in planitiebus inundationum, qui latas temperaturarum variationes tolerare potest. Se parat ad proles propagandos inter temperaturas a 20 ad 30 gradus Celsius?.[3]
Haec species in lacubus, stagnis, aquisque retrofluentibus magnorum fluminum habitat, ubi magna corpora aquae lente fluentis vel stantis vegetatione praedita petit.[4] Specimina fera in fluminibus rapide fluentibus ova pariunt, quae, aquá aliquantulum graviora, sese evolvunt cum secundum flumen fluitent, agitatione aquae continenter suspensa. Nonnulli auctoritates credunt ova mori, si in alveum desidunt et ibi manent.[5]
Adulti plerumque plantis aquaticis pascuntur. Talibus plantis altioribus plantisque terrestribus summersis vescuntur, sed etiam detritum, insecta, et parva invertebrata capiunt.[6][7]
Ctenopharyngodon idella in multas orbis terrarum civitates introducta est. Inter quas in hemisphaerio septentrionali, Bosnia et Herzegovina, Britanniarum Regnum, Cechia, Civitates Foederatae, Croatia, Dania, Francia, Germania, Helvetia, Iaponia, India, Israel, Italia, Macedonia, Malaesia, Mexicum, Mons Niger, Nederlandia, Philippinae, Polonia, Romania, Serbia, Slovacia, Slovenia, Suecia, et Taivania; in hemisphaerio australi, Africa Australis.Argentina, Australia, Nova Zelandia, et Venetiola,[8]
Vicimedia Communia plura habent quae ad [Ctenopharungodonem idellam spectant. |
Situs scientifici: • ITIS • NCBI • Biodiversity • Encyclopedia of Life • IUCN Red List • WoRMS: Marine Species • FishBase • INPN France |
Situs scientifici: • ITIS • NCBI • Biodiversity • Encyclopedia of Life • IUCN Red List • WoRMS: Marine Species • FishBase • INPN France |