Gestio
Geographia
Tabula aut despectus
Besenellum[1] (-i, n.) (alia nomina: Bisinellum[2], olim Besenum[3]) (Italiane: Besenello; Theodisce: Pysein) est oppidum Italiae ac municipium, circiter 2 500 incolarum, in Regione Tridentino-Alta Athesia/Tirolo Meridionali et in Provincia Libera Tridentina situm. Incolae Besenelotici appellantur.
Municipium pertinet ad Communitatem Lagarinam.
Nomen communis est Deminutivum Beseni vocis, nomen collis communem imminentis, sedis castri homonymi. Documenta anni 1172 Besenum nominant (forsitan derivatum a bis-senum, quod flumen Athesia ibi in duos ramos dividitur).
Besenellum ad sinistram Athesis situm. Castrum Besenum loco edito valli Lagarinae imminet; commune Besenellum in radicibus collis extenditur vinetis pomariisque circumdatum.
Titulus ecclesiae parochialis est Sancta Agatha virgo et martyr, in qua duo lapides sepulcrales inveniuntur gentis Trappianae, quae ultima Castrum Besenum possidebat.
Acquaviva, Compet, Dietrobeseno, Golla, Màsera, Ondertòl, Posta Veccia, Sottocastello.
Aldeno, Bosentino, Calliano, Centa San Nicolò, Folgaria, Nomi, Trento, Vattaro, Vigolo Vattaro.
Vicimedia Communia plura habent quae ad Besenellum spectant. |