Longitudo | 58 chm |
---|---|
Fons | Tomaros, Ori Souliou in nomo Ioannina |
Ostium | Mare Ionicum |
Regio | Epirus (Graecia septentio-occidentalis) |
Acheron[1] (Graece Ἀχέρων, Neograece Αχέροντας) est flumen quod per 58 chiliometra extenditur, et per Epirum in Graecia septentrio-occidentali fluit. Quod flumen etiam in mythologia Graeca reperiri potest, ubi Orcus flumine Acheronte continetur.
In mythologia Graeca et in Dantis Divina Comoedia, Acheron est unus e quinque fluminibus Orci, ubi Styx, Cocytus, Phlegethon, et Lethe in Acherontem effunduntur.
Praeter Stygem, Acheron dicitur flumen super quod Charon mortuos in Orcum traducit.
In Platonis Phaedone, mortui qui medio modo vitam peregerunt per Acherontem in paludem Acherusiam perveniunt, ubi poenas dantes iniuriarum purgantur.
Vicimedia Communia plura habent quae ad Acherontem spectant. |
Situs geographici et historici: Locus: 39°14′10″N 20°28′34″E, 39°28′19″N 20°40′39″E, 39°14′11″N 20°28′33″E • GeoNames • Pleiades • Store norske Lexikon |