Abulfeda[1] (Arabice أبو الفداء, Abū al-Fidāʾ), anno 1273 Damasci natus et 27 Octobris 1331 Hamae mortuus, fuit historicus et geographia Arabicus clarus. Emirus Hamae e gente Ayyubidarum fuit.
Curdicae originis fuit; etiam iuvenis contra Cruce signatos fortiter militavit; a Nasero Mahometo sultano Aegypti Hamam accepit primo ut procurator, ab anno 1312 ut amirus sui iuris. Annales composuit ab origine Araborum ad annum 1328, quorum partem maiorem in quinque voluminibus cum versione Latina et notis Ioannes Iacobus Reiske(de) annis 1789—1794 (sub nomine Annales moslemici) edidit, cetera (Historiam anteislamicam) Henricus Orthobius Fleischer anno 1831. Etiam Historiam brevem gentis humanae (المختصر في أخبار البش) ad annum 1239 composuit et Ordinationem terrarum, تقويم البلدان, tabulas geographicas, atque multa alia.
![]() |
Lexica biographica: Treccani • Большая российская энциклопедия • Gran Enciclopèdia Catalana • Deutsche Biographie |