Liz Truss | |
---|---|
Genys |
26 Gortheren 1975 Rysoghen |
Trigva | Thetford, Burnaby |
Kenedhlogeth | Ruvaneth Unys |
Galwesigeth | politeger, accountant |
Ughelder | 165.7 |
Tas | John Truss |
Mamm | Priscilla Mary Grasby |
Pries | Hugh O'Leary |
Gwiasva | https://www.elizabethtruss.com |
Eseleth | Justice Select Committee |
Sinans | |
Mary Elizabeth Truss (genys 26 mis Gortheren 1975) yw politeger a Vreten neb yw Pennmenyster an Ruvaneth Unys ha Ledyer a'n Parti Gwithadorek a-dhia mis Gwynngala 2022. Truss re beu esel Senedh rag Norfolk Soth West a-dhia 2010 ha menyster yn kabinettys David Cameron, Theresa May ha Boris Johnson.[1]
Truss a attendyas Kolji Merton, Rysoghen ha hi o lewydh Gweriniethoryon Livrel Pennskol Rysoghen.[2]
Hi a veu etholys avel esel Senedh rag Norfolk Soth West yn etholans 2010. Yn 2012, hi a veu henwys Is-Skifennyas Senedhek a Stat rag Floghwith hag Adhyskans hag hi a veu apoyntys Skrifennyas an Stat rag an Kerghynnedh, Boos ha Negysyow Powek yn 2014. Truss o Chansler Arlodh ha Skrifennyas a Stat rag Ewnder a-dhia 2016 dhe 2017 ha Skrifennyas Chyf dhe'n Dresorva a-dhia 2017 dhe 2019. Truss a gaskyrghas rag an RU remaynya y'n Unyans Europa, mes wosa an vota hi a skoodhyas Brexit.[3]
Hi o esel kabinett y'n governansow kynsa ha nessa Boris Johnson. Truss o Skrifennyas a Stat rag Kenwerth Keswlasek ha Lewydh an Gesva Gernwerth a-dhia mis Gortheren 2019 dhe mis Gwynngala 2021, kyns hi avonsyans bos Skrifennyas a Stat rag Negysyow Tramor ha Commonwealth yn mis Gwynngala 2021.[3]
Wosa omdennans Johnson, Truss a waynyas etholans rag bos Ledyer Parti Gwithadorek yn mis Gwynngala 2022, ow fetha Rishi Sunak.[4]
An 20ves a vis Hedra 2022, Truss a omdhisodhas avel Pennmynyster, ytho hi o Pennmynyster rag an termyn kottha yn istori politek an Ruvaneth Unys.[5]