The Guardian yw paper nowodhow pubdedhyek y'n Ruwvaneth Unys. Fondys yw avel The Manchester Guardian yn 1821, ha chanjyes y hanow yn 1959.[1]
Nyns yw The Guardian omgelmys gans parti politek, mes yw livrel yn tradicyon.[2] Yn 2005, 48% a'n redyoryon a'n paper o votoryon Lavur ha 34% o votoryon Gweriniethoryon Livrel.[3]
An paper a skoodhyas yn krev Tony Blair y'n 1994 etholans ledyorieth Parti Lavur,[4] hag y'n 1997 etholans ollgemmyn.[5] Y'n 2010 etholans ollgemmyn, The Guardian a skoodhyas Nick Clegg h'an Parti Livrel Werinel.[6] Ev a skoodhyas Ed Miliband ha'n Parti Lavur y'n 2015 etholans ollgemmyn,[7] hag a'y wosa Yvette Cooper y'n 2015 etholans ledyorieth Lavur.[8] The Guardian a skoodhyas an kaskyrgh remaynya y'n Unyans Europek.[9] An paper a skoodhyas Jeremy Corbyn ha'n Parti Lavur y'n etholansow ollgemmyn 2017 ha 2019, mes ev a skoodhyas ynwedh votys rag an Parti Kenedhlek Alban, Plaid Cymru, an Parti Livrel Werinel po an Parti Gwer yn ranndiryow heb chons krev a drygh Lavur.[10][11]