Channel 4 yw rosweyth pellwolok servis poblek yn Breten. Selys yn Loundres ha Leeds yw, gans kresennow awenek yn Glasgow ha Bristol.
Channel 4 a dhallathas darlesa war an nessa a vis Du 1982, an jydh wosa lonchyans an kanel Kembrek S4C. Iskowethyans an Awtorita Darlesa Anserghek o y'n derow, mes a-lemmyn yth yw korforeth boblek a'n Asran rag Besyel, Gonisogeth, Media ha Sport.[1]
Channel 4 re beu prederys rag privedhheans gans governansow Margaret Thatcher, John Major ha Tony Blair.[2]
Yn mis Metheven 2021, Oliver Dowden (Skrifennyas Gonisogeth dhe wovernans Boris Johnson), a gwarnyas towlow dhe brivedhhe an kanel.[3] Nadine Dorries, an Skrifennyas Gonisogeth a-dhia mis Gwynngala 2021,[4] a's konfirmyas yn mis Ebrel 2022.[5] Yn mis Genver 2023, Michelle Donelan, an Skrifennyas an Stat nowydh, a dheklaryas an privedhheans re bia hedhys.[6][7]