Ulfa Dwiyanti | |
---|---|
Lair | Bandung, Jawa Barat, Indonesia | Mèi 4, 1972
Bangsa | Indonesia |
Pakaryan | Presenter, Pelawak |
Bojo | Dhanny Indrianto (bercerai) Muhammad Ikhlas Poll Jr. (bercerai) Muhammad Abdul Hakim (bercerai) |
Ulfa Dwiyanti (lair ing Bandung, 4 Mèi 1972; umur 52 taun).[1] Ulfa Dwiyanti iku presenter lan pelawak ing donyaning hiburan Indonesia.[1] Sawisé miwiti karire dadi penyiar radio, wong wadon kang nduwé dedeg 152 cm iki misuwur dadi kanca rakete Eko Patrio lan Taufik Savalas.[1]
Ulfa Dwiyanti wis pegatan karo bojoné kang nomer telu kang jenengé Muhammad Abdul Hakim, SH, wong lanang kang asalé saka Padang, Sumatera Barat nalika tanggal 4 Dhésèmber 2006.[2] Ulfa Dwiyanti dinikahi karo Abdul Hakim nalika tanggal 19 September 2003 kapungkur ing Pondok Pesantren Suryalaya, Pagerageung, Tasikmalaya.[1] Pernikahan iki ing ngarepé guru besar Abah Anom lan kulawarga saka pengantin leloroné. Nanging leloroné banjur pegatan.[1] Sadurungé Ulfa Dwiyanti wis tau nikah karo Dhanny Indrianto.[1] Nanging pernikahané karo wong lanang kang duwé profesi dadi wartawan iku uga cerai.[1] Nalika tanggal 6 Fèbruari 2000, Ulfa Dwiyanti nikah manèh karo wong lanang kang asalé saka Walanda kang jenengé Klaas Poll Jr., kang ganti jeneng dadi Muhammad Ikhlas Poll Jr.[1] Nanging leloroné uga cerai nalika sasi Dhésèmber 2001 ing Pengadilan Agama Jakarta Selatan.[1]