PISCIS AUSTRINUS | |
---|---|
![]() | |
Cekakan | PsA |
Genitif | Piscis Austrini |
Asensio rekta | 22 |
Deklinasi | −30 |
Area | 245 derajad pesagi (#60th) |
Lintang utama | 7 |
Lintang Bayer/Flamsteed | 21 |
Lintang mawa planèt | 3 |
Lintang padhang | 1 |
Lintang cedhak | 3 |
Lintang paling padhang | Fomalhaut (α PsA) (1.16m) |
Lintang paling cedhak | Lacaille 9352 ( tc) |
Obyèk Messier | 0 |
Udan météor | ? |
Rasi lintang sing wewatesan | Capricornus Microscopium Grus Sculptor Aquarius |
Katon antara lintang +55° lan −90°. Katon paling cetha ing wektu 21.00 jroning sasi October. ' | |
Piscis Austrinus (ugi dipunmangertosi kanthi sebatan Piscis Australis) inggih punika salah satunggaling rasi lintang ingkang mapan wonten ing belahan langit sisih kidul. Punika inggih nama Latin saking "iwak ing sisih kidul]]", ingkang minangka kosok wangsulanipun saking konstélasi ingkang langkung ageng inggih punika konstelasi Pisces, ingkang nggambaraken sak pasang iwak. Mlebet wonten ing abad kaping 20, rasi lintang punika ugi misuwur kanthi sebatan Piscis Notius. Punika inggih lintang ingkang padhangipun langkung saking 4 magnitudo, mliginipun inggih punika lintang Fomahault ingkang minangka lintang sepisanan ingkang ageng lan minangka lintang ingkang padhang piyambak kaping 18 ing langit dalu. Piscis Austrinus inggih punika salah satunggal saking 48 konstelasi ingkang dipundhaptar déning astronom Ptolemy ing abad kaping kalih, lan punika ugi kalebet wonten ing 88 rasi lintang modern. Lintang - lintang wonten ing konstelasi modern, inggih punika konstelasi Grus, inggih dipunbentuk saking pérangan konstelasi Piscis Austrinus. Ing taun 1597 utawi 1598, Petrus Plancius misah konstelasi punika lan paring nama lintang mau sasampunipun dipundherek. Ing mitos Yunani, rasi lintang punika dipunmangertosi minangka satunggaling iwak ingkang ageng lan punika dipungambaraken minangka satunggaling iwak ingkang nembé ngombé toya ingkang dipunparingi déning rasi lintang Aquarius, satunggaling konstelasi ingkang mbeto toya. Kalih iwak saking rasi Pisces dipunsebat minangka turunan saking owak ageng. Wonten ing mitos Mesir, iwak punika ingkang nylametaken pagesanganipun dewi Mesir, Isis, dados piyambakipun mapanaken iwak punika lan turunanipun wonten ing langit minangka rasi lintang.[1]
Piscis Austrinus inggih punika salah satunggaling rasi lintang ingkang dipunkiteri déning Capriconus wonten ing lor radi kulon, Microscopium wonten ing kulon radi kidul, rasi lintang Grus wonten ing sisih kidul, rasi lintang Sculptor wonten ing sisih wétan, lan rasi lintang aquarius wonten ing sisih lor. Tigang aksara ingkang dipunandharaken kanggé nyekak rasi lontang punika, ingkang dipunpendhet saking International Astronomical Union ing taun 1922, inggih punika 'PsA'.[2] Wates- watesaning rasi lintang ingkang resmi, kados ingkang dipuntemtokaken déning Eugène Delporte ing taun 1930, inggih dipungambaraken déning wujud poligon saking sekawan pérangan. Wonten ing sistem koordinat khatuistiwa, koordinat watesanipun ingkang pas wonten ing garis minggah mapan wonten ing 21j 27.3m lan 23j 06.5m, kanthi deklinasinipun ing koordinat antawisipun -24.83° lan -36.46°.[3]
Fomalhaut ingkang tradhisional nggambaraken cangkemipun iwak. Fomahaul b ingkang minangka pendhampingipun dipunanggep dados ekstrasolar planit ingakng sepisanan ingkang sampun naté kedheteksi kanthi teleskop Hublle Space. TW Piscis Austrini saged dipuntingali kanthi caket lan mbok bilih punika gayut kaliyan Fomahault amargi mapan wonten ing satunggal taun cahya ingkang sami, kanthi magnitudo 6,5, punika miturut variabel Draconis. Rasi lintang Pices Austrinus punika gadhah area ingkang ambanipun 245 drajat persegi lan ngewrat tigang lintang ingkang dipunmangertosi minangka planit - planit. Rasi lintang punika saged dipuntingali ing garis lintang antawisipun +55° lan -90°, lan ingkang saé piyambak dipuntingali ing pukul 9 dalu ing salebeting sasi Oktober.[4]
Piscis Austrinus kalebet satunggal kulawarga kaliyan rasi lintang Heacenly Waters sesarengan kaliyan rasi lintang Delphinus, Equuleus, Eridanus, Carina, Puppis, Vela, Pyxis lan Columba. Rasi lintang sanèsipun ingkang ngiteri rasi lintang Piscis Austrinus inggih punika rasi lintang Capricornus, Microscopium, Grus, Sculptor lan Aquarius.
((cite book))
: CS1 maint: multiple names: authors list (link)
((cite journal))
: CS1 maint: postscript (link)
Cithakan:Pratélan rasi lintang