Aquarius yaiku salah sawiji saka 88 rasi lintang ing langit. Sajeroning Zodiak, wong kang duwé lintang Aquarius, yaiku wong kang lair antarané 20 Januari nganti 18 Fèbruari.
Aquarius digambarake minangka bocah lanang enom kang lagi nyuntak banyu saka siji amphora marang cangkem iwak kidul, kang diakili konstelasi Piscis Austrinus.[1]
Sajeroning mitologi Yunani, Aquarius yaiku Ganymede, bocah enom kang diculik déning déwa Zeus. Zeus ngutus garudha, Aquila, kanggo nyulik Ganymede supaya ora ngurusi wedhus-wedhuse manèh. Ganymede arep didadeake juru ombèn-ombèn kanggo para déwa Olimpia. Konstelasi aquarius kerep dianggep cangkir Ganymede.[2]