Corona Borealis (/[unsupported input]koʊˈroʊnəbɒriˈælᵻs/) inggih punika salah satunggaling rasi lintang ingkang alit ingkang mapan wonten ing langit sisih lor. Corona Borealis inggih saking basa Latin kanggé manukgagak lor. Corona Borealis kalebet salah satunggaling saking 48 rasi lintang ingkang dipundhaptar déning Ptolemy, ingkang namung dipunetang pitung lintang,[1] lan rasi lintang punika kalebet 88 rasi lintang modhèren.
Rasi lintang Corona Borealis gadhah tlatah ingkang ambanipun kirang langkung 179 drajat persegi lan gadhah tigang lintang ingkang dipunmangertosi minangka planit-planit. Rasi lintang punika saged ipuntingali wonten ing garis lintang antawisipun +90° lan-50° lan badhé katingal ingkang saé piyambak manawi dipuntingali ing jam 9 dalu ing salebeting sasi Juli.
Déné lintang-lintang ingkang wonten ing rasi lintang punika ing antawisipun inggih punika kados makaten:
Alpha Coronae Borealis inggih punika lintang ingkang padhang piyambak wonten ing rasi lintang punika. Alpha Coronae Borealis ugi dipunsebat Gemma (perhiasan), Alphecca utawi Alphekka (saking "nayyir al fakka") utawi lintang ingkang padhang ing broken ring), Gnosia (saking "Gnosia stella coronae" utawi "star of the crown of Knossos") lan Asteroth, Astarte utawi Ashtaroth (saking the Hebrew word kanggé "idols"). Lintang punika gadha magnitudo o,1 kanthi periode 17,4 dinten. Alphekka tebihipun kirang langkung 75 taun cahya saking bumi.[2]
Beta Coronae Borealis inggih punika kalebet lintang binar, ingkang minangka lintang ingkang padhang piyambak nomer kalih ing rasi lintang punika. Beta Corona Borealis ugi dipunmangertosi minangka Nusakan, saking tembung ing basa Arab, "an nasaqan", ingkang tegesipun kalih pérangan.
Kalih lintang sanèsipun ingkang ugi narik kawigatosan inggih punika Zeta 1 lan Zeta 2 Corona Borealis inggih punika sepasang lintang biru-pethak, ugi wonten nu 1 Corona Borealis lan nu 2 Corona Borealis inggih sepasang cahya raksasa oranye.
Corona Borealis gadhah sapérangan variabel lintang ingkang saged dipuntitiki, inggih punika R Corona Borealis lan T Corona Borealis.
R Corona Borealis inggih punika satunggaling super raksasa warna jene lan satunggaling prototipe saking R Coronae Borealis (RCB) kelas lintang variabel.
T Corona Borealis utawi ingkang dipunsebat Blaze Star, inggih punika lintang binar spektroskopik ingkang gadhah komponèn cahya raksasa abrit.[2][3]
Squire, C. (2000). The mythology of the British Islands: an introduction to Celtic myth, legend, poetry and romance. London & Ware: UCL & Wordsworth Editions Ltd.