Canes Venatici (/[unsupported input]ˈkeɪniːzvᵻˈnætᵻsaɪ/) inggih punika salah satunggaling rasi lintang ingkang mapan wonten ing belahan langit sisih lor. Rasi lintang punika dipundamel déning astronom Polish, Johannes Hevelius ing abad kaping pitulas. Ing basa Latin, Canes Venatici tegesipun kirik pemburu. Rasi lintang punika kalebet 88 rasi lintang modhèren ingkang sampun dipuntetepaken. Sadèrengipun Hevelius ndamel Canes Venatici inggih kalebet wonten ing pérangan rasi lintang Bootes.
Rasi lintang Canes Venatici gadhah tlatah ingkang ambanipun kirang langkung 465 drajat persegi lan boten ngewrat kathah lintang ingkang dipunmangertosi minangka planit-planit. Rasi lintang punika saged dipuntingali wonten ing garis lintang antawisipun +90° lan-40° lan badhé katingal paling sa manawi dipuntingali ing jam 9 dalu ing salebeting sasi Mèi. Déné lintang-lintang ingkang wonten ing rasi lintang punika ing antawisipun inggih kados makaten:
Cor Caroli utawi alpha Canum Venaticorum inggih punika lintang ingkang padhang piyambak wonten ing rasi lintang Canes Venatici. Lintang Cor Caroli kalebet jinis lintang binar kanthi gadhah magnitudo 2,81, lan tebihipun kirang langkung 110 taun cahya. Kalih komponenipun ingkang padhang ingih punika alpha 2 Canum Venaticori.[1] Nama asli lintang punika inggih Cor Caroli Regis Martyris ingkang dipundamel déning Sir Charles Scarborough. Cor Caroli tegesipun manahipun Charles. Cor Caroli inggih punika péranganing asterisme berlian ingkang ageng, sesarengan kaliyan Denebola ing Leo, Spica ing Virgo lan Arcturus ing Bootes.
Beta Canum Venaticorum ingkang ugi dipunmangertosi minangka Chara inggih punika lintang ingkang padhang piyambak nomer kalih wonten ing rasi lintang Canes Venatici. Lintang Chara inggih minangka lintang tipe G ingkang cahyanipun meh sami kaliyan srengéngé. Sesarengan kaliyan Cor Caroli, lintang punika maujud saking kirik kidul.
La Superba (Y Canum Venaticorum);; inggih punika variabel lintang semi reguler ingkang badhé ingkang saé piyambak dipuntingali saking wujudipun ingkang abrit. Lintang punika inggih minangka salah satunggal saking lintang ingkang gadhah cahya raksasa carbon abrit lan minangkang lintang J ingkang padhang piyambak wonten ing langit. Kanthi temperatur kirang langkung 2800 K, lintang punika kalebet lintang ingkang dipunmangertosi paling adhem. La Superba inggih dipunparingi nama déning astronom Italia, Angelo Secchi ing abad kaping sangalas.
Kalih lintang sanèsipun ingkang dipunmangertosi wonten ing rasi lintang punika inggih punika AM Canum Venaticorum lan 20 Canum Venaticorum. Salah satunggaliipun inggih gadhah warna sanget biru kanthi gadhah magnitudo 14, ingkang minangka saged dipunklasifikasi variabel lintang katalismik. Ingkang nomet kalih inggih punika lintang ingkang gadhah cahya raksasa tipe F ingkang tebihipun 286 taun cahya saking bumi.
Allen, Richard Hinckley (1899), Star Names: Their Lore and Meaning
Apianus, Petrus (1533), Horoscopion generale
Bečvář, Antonín (1951), Atlas Coeli II - Catalogue 1950.0, Czechoslovak Astronomical Society
Hevelius, Johannes (1690), Firmamentum Soviescianum
Kunitzsch, P. (1959), Arabische Sternnamen in Europa, Otto Harassowitz
Kunitzsch, P. (1974), Der Almagest: Die Syntaxis Mathematica des Claudius Ptolemäus in arabisch-lateinischer Ūberlieferung, Otto Harassowitz
Kunitzsch, P. (1990), Der Sternkatalog des Almagest Die arabisch-mittelalterliche Tradition: II Die lateinische Ūbersetzung Gerhards von Cremona, Otto Harassowitz
Kunitzsch, P.; Smart, T. (2006), A Dictionary of Modern Star Names: A Short Guide to 254 Star Names and Their Derivations (édhisi ka-2nd Revised), Sky Publishing, ISBN1-931559-44-9
Ridpath, Ian (2001), Wil Tirion (édhisi ka-3rd), Princeton University Press, ISBN0-691-08913-2((citation)): Missing or empty |title= (pitulung)