Badan SAR Nasional (dicekak Basarnas) ya iku Lembaga Pamaréntah Non Kementrian Indonésia kang duwèni tugas saka pamaréntah ing pérangan golèk lan nulung (search and rescue/SAR) ing bencana.[1] Basarnas duwèni tugas pokok pembinaan, koordinasi, lan kendali potensi SAR ing kagiyatan SAR nulung wong lan material kang ilang utawa dikhawatirké ilang utawa ana bebaya ing pelayaran utawa penerbangan, lan uga nulung ing bencana lan musibah liyané kang trep karo aturan SAR nasional lan internasional.[1]
Sajarah Basarnas dimulai nalika metu Dudutan Présidhèn No 11 Taun 1972 tanggal 28 Fèbruari 1972 ing bab Badan SAR Indonesia (BASARI), kang duwé tugas pokok nangani musibah kacilakaan lan pelayaran.[1] BASARI duwé tanggungjawab marang Présidhèn lan minangka pelaksana ing lapangan dipasrahké ning PUSARNAS (Pusat SAR Nasional) kang dibawahi pejabat saka Departemen Perhubungan.[2]
Dadi jelas tugas lan fungsi SAR ya iku tetulung ing musibah pelayaran lan/utawa penerbangan, lan/utawa musibah liyané.[2] Tugas kang dikarepaké ana 2 ya iku golèk (search) lan nulung (rescue).[2] Ing sajeroning tugas ing musibah pelayaran lan penerbangan uga kudu trep karo IMO lan ICAO.[2]