Downton Abbey | |
---|---|
Tegund | Drama |
Búið til af | Julian Fellowes |
Höfundur |
|
Leikarar |
|
Upphafsstef | „Did I Make the Most of Loving You?“ |
Tónskáld | John Lunn |
Upprunaland | Bretland |
Frummál | Enska |
Fjöldi þáttaraða | 6 |
Fjöldi þátta | 52 |
Framleiðsla | |
Aðalframleiðandi |
|
Framleiðandi |
|
Staðsetning | Highclere-kastali |
Upptaka | Gavin Struthers |
Lengd þáttar | 47–93 mínútur |
Framleiðsla |
|
Útsending | |
Upprunaleg sjónvarpsstöð | ITV |
Myndframsetning | 1080i HDTV |
Hljóðsetning | Stereo |
Sýnt | 26. september 2010 – 25. desember 2015 |
Downton Abbey eru breskir sjónvarpsþættir sem skapaðir voru af Julian Fellows. Þættirnir hófu göngu sína haustið 2010 og voru sýndir á bresku sjónvarpsstöðinni ITV. Í janúar 2011 var byrjað að sýna þættina á sjónvarpsstöðinni PBS í Bandaríkjunum. Downton Abbey var sýnt hérlendis á RÚV frá haustinu 2010.
Þættirnir sem gerast á tímabilinu 1912 til 1925 segja frá hinni ríku Crawley fjölskyldu og þjónustufólki þeirra. Þá blandast við ýmsir atburðir úr sögunni, eins og fyrri heimstyrjöldin og spænska veikin, sem hafa gríðarleg áhrif á líf Crawley fjölskyldunnar.
Downton Abbey hafa hlotið fjölda verðlauna, eins og Golden Globe, Primetime Emmy Awards og Bafta, en þættirnir hafa verið sýndir í yfir 220 löndum um allan heim.
Þættirnir gerast á ættarsetrinu Downton Abbey í Yorkshire þar sem hin ríka Crawley fjölskylda býr ásamt þjónustufólki sínu. Crawley fjölskyldan samanstendur af jarlinum og jarlsfrúnni af Grantham og þremur dætrum þeirra. Einnig kemur móðir jarlsins mikið við sögu sem og aðrir ættingjar. Fyrsta serían hefst árið 1912 daginn eftir að Titanic sökk. Erfingi jarldæmisins hefur farist með skipinu og því þarf jarlinn, Robert Crawley, að finna nýjan erfingja. Sá reynist vera fjarskyldur frændi, Matthew Crawley, sem er málflutningsmaður af miðstéttarfólki.
Á setrinu starfar margt þjónustufólk en þar er æðstur brytinn Carson. Í fyrsta þætti hefur verið ráðinn nýr einkaþjónn jarslins, John Bates, en söguþráðurinn snýst um samskipti hans við lymskulega þjóninn, Thomas Barrow, sem reynir að gera hvað sem er til að öðlast starf Bates. Með hjálp ungfrú O'Brien, einkaþernu jarlfrúarinnar, reyna þau að koma Bates fyrir kattarnef.