Burger King er bandarísk skyndibitakeðja sem að selur hamborgara og allskyns skyndibita. Fyrsti staðurinn var opnaður árið 1953 í Miami í Flórída. Árið 2024 rekur keðjan um 19,200 veitingastaði um allan heim í yfir hundrað löndum. Burger King var starfandi á Íslandi frá 2004 til 2008.
Í ágúst 2003 var fyrst tilkynnt um komu Burger Kings til landsins.[1] Fyrsti veitingastaður Burger King hér á landi var opnaður þann 18. febrúar 2004 í Smáralind í Kópavogi.[2] Þann 16. desember 2004 opnaði annar Burger King staður í útibúi Essó í Ártúnsholti í Reykjavík, að Straumi 9, þar sem að í dag er N1.[3] Báðir veitingastaðir Burger Kings á Íslandi lokuðu þann 30. desember 2008 vegna vandamála með innflutning á hráefnum.[4] Tankur ehf. rak Burger King á Íslandi.