Árið 1697 (MDCXCVII í rómverskum tölum) var 67. ár 17. aldar. Það hófst á þriðjudegi samkvæmt gregoríska tímatalinu eða föstudegi samkvæmt júlíska tímatalinu sem er tíu dögum á eftir.

Atburðir

• 8. janúar - Thomas Aikenhead, skoskur námsmaður, var tekinn af lífi fyrir guðlast.
• Mars - Pétur mikli hóf ferð sína um Evrópu dulbúinn sem „Pjotr Mikhaílov skotliði“.
• 5. apríl - Karl 12. varð konungur Svíþjóðar.
• 7. maí - Konungshöllin Tre kronor í Stokkhólmi brann til grunna. Konungsfjölskyldan flutti í Wrangel-höll.
• 20. september - Ryswick-samningurinn batt enda á Níu ára stríðið milli Frakklands og Bandalagsins mikla. Samningurinn leysti ekki nein deilumál og fimm árum síðar hófst því Spænska erfðastríðið milli sömu aðila.
• 2. desember - Pálskirkjan í London opnaði.

Ódagsettir atburðir

• Veturinn var kallaður Vatnsleysuvetur á Íslandi.
• Eldgos varð í Vatnajökli.
• Björn Þorleifsson var vígður Hólabiskup.

Fædd

• 6. ágúst - Karl 7. keisari hins Heilaga rómverska ríkis (d. 1745).
• 7. október - Canaletto, ítalskur listmálari (d. 1768).
• 10. nóvember - William Hogarth, enskur skopmyndateiknari (d. 1764).
• Jón Þorkelsson Thorcillius, íslenskur skólameistari og menntafrömuður (d. 1759).

Dáin

• 8. janúar - Thomas Aikenhead, skoskur námsmaður og síðasti maðurinn sem tekinn var af lífi fyrir guðlast í Bretlandi (f. um 1678).
• 16. janúar - Georg Mohr, danskur stærðfræðingur (f. 1640).
• 17. mars - Þórður Þorláksson biskup í Skálholti (f. 1637).
• 5. apríl - Karl 11. Svíakonungur (f. 1655).
• 8. apríl - Niels Juel, danskur flotaforingi (f. 1629).

Opinberar aftökur

• Ólafur Brandsson og Þorsteinn Þorleifsson frá Dalasýslu hálshoggnir á Alþingi fyrir morð.
• Sigurður Skúlason, 16–17 ára, og Jón Jónsson Gráni, 20 ára, báðir úr Hegranesþingi, hengdir á Alþingi fyrir þjófnað.
• 1. júlí - Jóreiði Þorgeirsdóttur af Bakkárholtshjáleigu í Ölfusi drekkt í Öxará vegna dulsmáls.^[1]

Tilvísanir

1. ↑ Öll gögn um framangreindar aftökur sóttar á vef rannsóknarverkefnisins Dysjar hinna dauðu, ekki síst skrá á slóðinni https://dhd.hi.is/gogn/Info.pdf, sótt 15.2.20202.