Salt Lake City | ||
![]() | ||
Kelk imaji pri Salt Lake City. | ||
Lando: | ![]() | |
Informo:
| ||
Latitudo: | 40°45'00"N | |
Longitudo: | 111°53'00"W | |
Altitudo: | 1,288 m | |
Surfaco: | 286,99 (lando) km² | |
Habitanti: | 199 723 (2020) | |
Denseso di habitantaro: | 695,9 hab./km² | |
Horala zono: | UTC-7 UTC-6 dum la somero | |
Urbestro: | Jackie Biskupski (D) | |
Oficala retosituo:
| ||
www.slcgov.com |
Salt Lake City esas chef-urbo di Usana stato Utah. Segun la demografiala kontado di 2020, ol havis 199 723 habitanti, esanta la 122ma maxim populoza urbo di Usa. Lua metropolala regiono havas cirkume 1,2 milion habitanti. La tota surfaco dil urbo esas 286,99 km², di qui 285,77 km² esas lando.
Salt Lake City esas spiritala chef-urbo di Mormon-eklezio. Ol fondesis en 1847 da grupo di pioniri Mormoni, guidita da Brigham Young. Ol komencis kreskar kun l'expanso di minado e la konstrukto dil unesma transkontinentala ferovoyo, dum la duesma duimo dil 19ma yarcento. Nun, du importanta autochosei, I-15 ed I-80, krucumas che Salt Lake City.
Nun, ol esas importanta centro por skio, e gastigas l'universitato di Utah (UfoU, olim Universitato Deseret), l'universitato Utah State (USU), l'universitato Brigham Young, e diversa fakultati. L'urbo anke havas importanta komunitato geya, ed omnayare ol gastigas festivalo Utah Pride.
La reliefo di Salt Lake City esas plana e basa proxim rivero Jordan e la Granda Saloza Lago, kun kolini e monti norde e weste. Lua mezavalora altitudo esas 1319 metri e lua maxim alta punto esas Grandview Peak, kun 2868 metri super la marala nivelo.
La klimato dil urbo esas kolda miarida (BSk segun la klimatala klasifikuro da Köppen). La quar sezoni esas klare definita. Someri esas varma e sika, kontre ke vintri esas kolda. La temperaturo varias multe inter la sezoni. Dum cirkume 56 dii de la somero la temperaturi superiras 32°C, di qui 23 dii havas temperaturi super 35°C. Dum vintri, la temperaturi ordinare esas infre 0°C. La humideso e la pluvo-quanto originas de Pacifiko, nome de la gulfo di Kalifornia, ma anke de la lagi di la regiono.
La mezavalora yarala pluvo-quanto esas 419 mm, e la printempo esas la maxim pluvoza sezono. Ordinare nivas inter l'autuno e la komenco di la printempo. Cirkume 7 foye po yaro la lagi konjelas.
Chef-urbi di Usana stati |
---|
Alabama • Alaska • Arizona • Arkansas • Connecticut • Delaware • Florida • Georgia • Havayi • Idaho • Illinois • Indiana • Iowa • Kalifornia • Kansas • Kentucky • Kolorado • Louisiana • Maine • Maryland • Massachusetts • Michigan • Minnesota • Mississippi • Missouri • Montana • Nebraska • Nevada • Nordal Karolina • Nordal Dakota • Nova-Hampshire • Nova-Jersey • Nova-Mexikia • Nova-York • Ohio • Oklahoma • Oregon • Pensilvania • Rhode Island • Sudal Karolina • Sudal Dakota • Tennessee • Texas • Utah • Vermont • Virginia • Washington • Westal Virginia • Wisconsin • Wyoming |