Columbus, Ohio | ||
![]() | ||
Kelk imaji pri Columbus. | ||
![]() |
![]() | |
Standardo | Blazono | |
Lando: | ![]() | |
stato: | Ohio | |
Informo:
| ||
Latitudo: | 39°59'N | |
Longitudo: | 82°59'W | |
Altitudo: | 275 m | |
Surfaco: | 586 km² | |
Habitanti: | 905 748 (2020) | |
Denseso di habitantaro: | 1586,74 hab./km² | |
Horala zono: | UTC-5 (UTC-4 dum la somero) | |
Urbestro: | Andrew J. Ginther (D) | |
Mapo:
| ||
Oficala retosituo:
| ||
http://www.columbus.gov |
Columbus esas chef-urbo e maxim populoza urbo dil Usana stato Ohio. Segun la demografiala kontado di 2020 ol havis 905 748 habitanti, kontre 787 033 habitanti en 2010. Ol esas la 14ma maxim populoza urbo di Usa. Columbus esas sideyo dil komtio Franklin ed anke okupas parti de la komtii Delaware e Fairfield. Lua metropolala regiono enkorpigas altra 10 komtii, e havis entote 2 138 926 habitanti en 2020.
Lua tota surfaco esas 586 km², equivalanta a 226,26 mi², de qui 570,82 km² (220,40 mi²) esas lando, e la cetera esas aquo. Olua nomo homajas Italian explorero Cristoforo Colombo. Ol divenis chef-urbo di Ohio en 1816.
La bazo di lua ekonomio esas diversa, e la precipua sektori esas eduko, guverno e publik administrado, asekuro, bankal agadi, defenso, aeronautiko, nutrivi, stofi, lojistiko*, stalo, energio, medikal inquesto, sanesoflego, endentalo-komerco, e teknologio. La kampuso dil universitato Ohio State, un ek la maxim importanta universitati de Usa, jacas en Columbus.
Segun la demografiala kontado di 2010, esis 787 033 individui, 331 602 hemanari e 176 037 familii qui rezidis en la urbo. La denseso di habitantaro esis 3 624 habitanti po quadrata milio (1399,2 hab./km²), Esis 370 965 rezideyi, kun mezavalora denseso di 1708,2 po quadrata milio (659,5 po km²). Segun raso, esis 61,9% blanki. 29,1% negri, 1% aborijeni Usana od Alaskana, 4,6% Aziani, 0,2% Havayiani o Pacifik-insulani, e 3,2% de altra rasi.[1] Hispan-Usani o Latin-Amerikani de irga raso esis 5,9% de la habitantaro.
Esis 331 602 hemanari, de qui 29,1% havis pueri od adolecanti evanta min kam 18 yari en la domo, 32% esis mariajita pari qui habitis kune, en 15,9% muliero sen spozulo esis la domo-chefo, en 5,1% la domo-chefo esis viro sen spozino, e 46,9% esis ne-familii. En 35,1% ek omna hemanari habitis singla individo, ed en 7,2% habitis singla individuo evanta 65 yari o pluse. La mezavalora grandeso po hemanaro esis 2,31 personi, e la mezavalora grandeso po familio esis 3,04 personi.
La mezavalora evo de la habitantaro esis 31,2 yari. La procento di habitanti segun evo esis: 23,2% evante min kam 18 yari, 14% de 18 til 24 yari, 32,3% de 25 til 44 yari, 21,8% de 45 til 64 yari, e 8,6% evis 65 yari o pluse. Viri esis 48,8% de la habitantaro, kontre ke mulieri esis 51,2%.
Pri religio, segun statistiki de American Values Atlas, 26,1% de la habitantaro di la metropolala regiono di Columbus praktikas nula religio, 17% identifikas su kom "blanka Evangeliala protestanti", 14% kom "blanka tradicionala protestanti", 11% kom "blanka katoliki", 10% kom "negra protestanti", 5% kom "Hispan-Usana katoliki", 3% kom katoliki de altra rasi, 2% kom protestanti de altra rasi, 2% kom Mormoni, e la cetera havas altra religii. La diocezo katolika di Columbus, kun sideyo en la katedralo di Santa Iosef, kreeis e 1868 dal papo Pius la 9ma.
Chef-urbi di Usana stati |
---|
Alabama • Alaska • Arizona • Arkansas • Connecticut • Delaware • Florida • Georgia • Havayi • Idaho • Illinois • Indiana • Iowa • Kalifornia • Kansas • Kentucky • Kolorado • Louisiana • Maine • Maryland • Massachusetts • Michigan • Minnesota • Mississippi • Missouri • Montana • Nebraska • Nevada • Nordal Karolina • Nordal Dakota • Nova-Hampshire • Nova-Jersey • Nova-Mexikia • Nova-York • Ohio • Oklahoma • Oregon • Pensilvania • Rhode Island • Sudal Karolina • Sudal Dakota • Tennessee • Texas • Utah • Vermont • Virginia • Washington • Westal Virginia • Wisconsin • Wyoming |