Homala restaji de 100,000 til 125,000 yari ante nun trovesis en la teritorio di nuna Unionita Araba Emirii en 2011. To pruvis ke homi de Afrika komencis koloniigar altra regioni mult ante on kredabis.[1]
Portugalani kontrolis parto di la regiono dum 150 yari pos la 16ma yarcento, ma ekpulsesis da Islamala princi. De la 17ma til la 19ma yarcento la regiono divenis konocita kom la Rivo di la Pirati, por servar kom shirmilo di pirati. En 1853 lokala emiri signatis pakto kun Britaniani ed establisis perpetua armistico, origino di la anciena nomo di regiono, "Trucial-Stati". En 1892 altra pakto signatesis kun Unionita Rejio.
La stato formacesis per l'uniono de sep emirii, inter 1971 e 1972. UAE suportis militarala operaci di Usa kontre talibanisti en 2001.