Batalio di Midway | |||
![]() | |||
Usana avioni Douglas SBD-3 Dauntless atakas Japoniana navo Mikuma triesmafoye dum la batalio di Midway. | |||
Konflikto: | Duesma mondomilito | ||
Dato: | de la 4ma til la 7ma di junio 1942 | ||
Loko: | Oceano Pacifiko proxim l'atolo Midway | ||
Rezulto: | Decidigiva Usana vinko. | ||
![]() |
↔ | ![]() | |
Chester W. Nimitz Frank J. Fletcher Raymond A. Spruance |
↔ | Isoroku Yamamoto Nobutake Kondo Chuichi Nagumo Tamon Yamaguchi Ryusaku Yanagimoto | |
3 avionala transportonavi ~25 altra navi 233 avioni en avionala transportonavi 127 altr avioni |
↔ | 4 avionala transportonavi 2 navo por kombati ~15 altra navi 248 avioni, precipue en avionala transportonavi 16 hidro-avioni | |
1 avionala transportonavo ed 1 kontre-torped-navo dronita 150 avioni destruktita 307 militisti perisis |
↔ | 4 avionala transportonavi ed 1 krozero dronita 248 avioni destruktita o dronita 3.057 morti |
La Batalio di Midway (Japoniane: ミッドウェー海戦; «Middowē Kaisen») esas navala (ma precipue per avioni) batalio inter Usa e Japonia qua eventis de la 4ma til la 7ma di junio 1942 en Pacifiko dum Duesma mondomilito. Ol eventis un monato pos la batalio di Koralia maro e sis monati pos l'atako kontre Pearl Harbor.
Admiralo Isoroku Yamamoto aranjabis kaptilo por atakar l'aerala e navala bazo che l'Atolo Midway. Tamen Usani dechifris la kodexigita mesaji pri la prepari dil atako, do l'admiralo Chester W. Nimitz decidis facar embusko qua destruktis multa avioni ed importanta navi Japoniana.
Tri faktori helpis Usa:
Japoniani anke decidabis samatempe invadar l'insuli Aleuti, en Alaska, ed uzis kelka navi qui povus rinforcar la floto proxim Midway.
Nagumo lansis atako kontre Midway ye la 4ma di junio 1942 4:30 AM, per 36 bombardavioni Aichi D3A e 36 Nakajima B5N bombardavioni kun torpedi, protektita per 36 avioni Mitsubishi Zero, qui komencis bombardar Midway ye 6:20 kloki. Ante l'atako, Usana radaro en Midway deskovris l'avioni de Japoniana aer-armeo, e lansis obsoleta avioni Grumman F4F Wildcat e Brewster F2A Buffalo por interceptar li. Japoniana Zero destruktis 3 F4F e 13 F2A, e perdis nur 4 bombardavioni e 3 Zero. Usana artilrio anke destruktis kelka Japonian avioni, e malgre l'intensa atako, l'aerala bazo esis ankore uzebla dal Usana bombardavioni.
Ante Japonian atako, Usani anke lansis lua bombardavioni de Midway e de lua avionala transportonavi kontre Japoniana floto. Kande la batalio finis Japonia havis lia 4 avionala transportonavi uzita en l'atako ed 1 krozero dronita, kun la perdajo di 3 057 homi e 248 avioni. Granda nombro di Japonian avioni ne povis retroirar a l'avionala transportonavi, e dronis en oceano kande lia fuelo finis.