Avionala transportonavo esas navo specale konstruktita por transportar avioni o helikopteri uzata en militala operaci, od uzata da kelka landi por patroliar lia rivo e lia marala teritorio. Ordinare, ol esas la precipua navo de ula floto, pro ol posibligas la mar-armeo lansar ataki per avioni o helikopteri kontre enemika floti.[1]
En 1910, probesis unesmafoye deprenar aviono de ula navo, en Usa. Tamen, l'unesma lando qua uzis avionala transportonavi dum kombati esis Japonian imperio, en 1914, qua uzis hidroavioni transportita per navo por atakar Germani dum l'unesma mondomilito. En 1918 developesis HMS Argus ', Britaniana navo modifikita por havar longa e plana kovrilo, de ube avioni povis deprenar. Dum la yari 1920a komencis konstruktesar l'unesma avionala transportonavi, vice modifikar existanta navi por transportar avioni.
L'importo di avionala transportonavi divenis granda dum importanta batalii de la duesma mondomilito, exemple la batalio di Koralia maro, la batalio di Midway e la batalio en la maro di Filipini.