Bully trees | |
---|---|
![]() | |
Sideroxylon persimile | |
Taksonomia ![]() | |
Pagarian: | Plantae |
Klado: | Tracheophytes |
Klado: | Angiospermae |
Klado: | Eudicotidae |
Klado: | Asterids |
Urnos: | Ericales |
Pamilia: | Sapotaceae |
Subpamilia: | Sapotoideae |
Tribu: | Sideroxyleae |
Henero: | Sideroxylon L.[1] |
Sebbangan-kita | |
Sideroxylon inerme | |
Kapada a nagan[4] | |
|
Ti Sideroxylon ket ti henero dagitikayo iti pamilia ti Sapotaceae nga impalawag a kas maysa a henero babaen ni Linnaeus idi 1753.[3][5] Kolektiboda nga ammo iti Ingles iti bully trees. Ti kadawyan a nagan ket naala manipud kadagiti balikas a Griego iti σιδηρος (sideros), a ti kayatna a sawen ket "landok", ken ξύλον (xylon), a ti kayatna a sawen ket "kayo."[6]
Kangrunaan a naiwarwaras ti henero iti Amianan ken Abagatan nga Amerika, ngem mabirukan pay iti Aprika, Madagascar, akin-abagatan nga Asia, ken dagiti nadumaduma nga oseaniko nga isla.[4] Adda dagiti sumagmamano a sebbangan, a kas ti gum bully (S. lanuginosum), S. tenax, ken buckthorn bully (S. lycioides), ket mabirukan kadagiti subtropikal a lugar ti Amianan nga Amerika. Ti kaikaisuna a sebbangan ti Abagatan nga Aprika, ti white milkwood (S. inerme), ket mainaig kadagiti tallo a tawid a sitio, ken dagitoy nga indibidual ket nairangarangda a nailian a monumento gapu ti karkarna a kapautda.[7][8]
Adda dagiti nadumaduma a sebbangan a nagbalinen a karkarna gapu ti panagpukan ti kayo ken dagiti sabali pay a porma ti panagdadael iti habitat. Ti Tambalacoque (S. grandiflorum, sin. Calvaria major) ti Mauritius ket naapektaran idi babaen ti pannakaungaw dagiti billit a nangiwarwaras kadagiti bukel; daytoy ket naisingasing idi a ti intero a sebbangan ket nagdepdepende iti dodo (Raphus cucullatus) para iti dayta a paggep ken ganggani a nagbalinen a biktima ti agkadua a pannakaungaw, ngem saan a husto daytoy.[9][10]
Dagiti midia a mainaig iti Sideroxylon iti Wikimedia Commons
Dagiti datos a mainaig iti Sideroxylon iti Wikispecies