Amman
عمّان | |
---|---|
Siudad | |
![]() | |
Parbo a nagan: | |
![]() | |
Nagsasabtan: 31°56′59″N 35°55′58″E / 31.94972°N 35.93278°ENagsasabtan: 31°56′59″N 35°55′58″E / 31.94972°N 35.93278°E | |
Pagilian | ![]() |
Gobernorato | Kapitolio ti Gobernorato |
Napundar | 7250 SK |
Munisipalidad | 1909 |
Gobierno | |
• Mayor | Aqel Biltaji |
Kalawa | |
• Dagup | 1,680 km2 (650 sq mi) |
Kangatuan a lugar | 1,100 m (3,600 ft) |
Kababaan a lugar | 700 m (2,300 ft) |
Populasion (2014) | |
• Dagup | 4,007,526[3] |
• Densidad | 2,380/km2 (6,200/sq mi) |
Nagan dagiti umili | Ammani, Taga-Amman |
Sona ti oras | +2 Pagalagadan nga Oras ti Akindaya nga Europa |
• Kalgaw (DST) | +3 Pagalagadan nga Oras ti Arabia |
Kodigo ti koreo | 11110-17198 |
Kodigo ti lugar | +962(6) |
Website | Munisipalidad ti Kalatakan nga Amman |
Ti Amman (Arabiko: عمّان) ket ti kapitolio ken ti kaaduan ti populasion a siudad ti Hordania. Daytoy ket sentro pay ti ekonomia, politika ken kultura.[4] Mabirukan iti amianan-sentral ti Hordania, ti Amman ketisu ti administrtibo a sentro ti Gobernorato ti Amman. Daytoy ket addaan iti populasion iti 4,007,526 ken ti daga ket aglawa iti 1,680 kuadrado kilometro (648.7 sq mi).[3] Ita nga aldaw, ti Amman ket naikeddeng a maysa kadagiti liberal ken naipalaud a siudad ti Arabo. Daytoy ket nangruna a papanan dagiti turista iti rehion, ken naisangayan kadagiti Arabo ken Europeano a turista.[5]
Ti kasapaan nga ebidensia ti pannakaitaeng ti lugar ket ti lugar ti Neoletiko nga ammo a kas ti 'Ain Ghazal. Ti sinarunona ket ammo idi a kas ti "Rabbath Ammon", ken isu idi daytoy ti kapitolio dagiti Ammonitas, idi a kas "Philadelphia", ken itikanungpalan a kas Amman.[6] Daytoy ket immuna a nabangon iti pito a turod ngem itan ket umabot kadagiti sumurok a 19 a turod a mangitipon kadagiti 7 a distrito,[6] nga inadministro babaen ti Munisipalidad ti Kalatakan nga Amman nga idauluan ababen ti mayor.[7] Dagiti lugar ti Amman ket mabalin a nagun-odda dagiti naganda manipud kadagiti turod (Jabal) wenno dagiti ginget (Wadi) a pakabirukanda, kas ti Jabal Lweibdeh ken Wadi Abdoun.[6] Ti Daya nga Amman ket kaaduan a napunno kadagitinaipakasaritaan alugar a kankanayon a mangsangsangaili kadagiti aktibidad ti kultura, bayat a ti Laud nga Amman ket modmoderno ken agserbi a kas ti sentro ti ekonomia ti siudad.[8]
Agarup a 1.9 a riwriw a bisbisita ti simmangpet idiay Amman idi 2014, ken mairanggo daytoy a kas maika-84 a kaaduan a mabisbisita a siudad iti lubong ken ti maika-4 a mabisbista nga Arabo a siudad.[9] Ti Amman ket addaan iti relatibo a napardas nga agrangrang-ay nga ekonomia,[10] ken nairanggo a Beta− iti pagsurotan ti global a siudad.[11] Iti pay maipatinayon, daytoy ket nanaganan a kas maysa kasayaatan a siudad ti Tengnga a Daya ken Amianan nga Aprika babaen dagiti banag iti ekonomia, trabaho, enbironmento and socsio-kultura.[12] Ti siudad ket maysa kadagiti kadayegan a lokasion iti Arabo a lubong para iti pangibangonan dagiti rehional nga opisina dagiti multinasional a korporasion, a mairaman ti Doha ken unaan laeng ti Dubai. Daytoy ket manamnama a dagiti sumaruno a 10 a tawtawen, dagitoy tallo a siudad ket mangala kadagiti kadakkelan a bingay dagiti aktibidad ti multinasional a korporasion iti rehion.[13]
Dagiti midia a mainaig iti Amman iti Wikimedia Commons
Pakaammo ti panagbiahe idiay Amman manipud iti Wikivoyage (iti Ingles)