Moscow Москва (Ruso) | |||||
---|---|---|---|---|---|
— Pederal a siudad — | |||||
| |||||
Nailian a kanta: Moya Moskva | |||||
Kasaad ti politka | |||||
Pagilian | Rusia | ||||
Pederal a distrito | Tengnga[1] | ||||
Rehion ti ekonomia | Tengnga[2] | ||||
Nabangon | Sakbay iti 1147 | ||||
Aldaw ti Pederal a siudad | Ti umuna a Sabado ken Dominggo iti Septiembre[3] | ||||
Gobierno (manipud idi Marso 2010) | |||||
• Alkalde[4] | Sergey Sobyanin[4] | ||||
• Lehislatura | Duma ti Siudad[5] | ||||
• Dokumento ti linteg | Dokumento ti linteg ti Moscow | ||||
Estadistika | |||||
Kalawa [6] | |||||
• Dagup | 1,091 km2 (421 sq mi) | ||||
Ranggo ti kalawa | Maika-83 | ||||
Populasion (Senso idi 2010)[7] | |||||
• Dagup | 11,503,501 | ||||
• Ranggo | Umuna | ||||
• Densidad[8] | 10,544/km2 (27,310/sq mi) | ||||
• Urbano | 100% | ||||
• Away | 0% | ||||
Sona ti oras | MSD (UTC+04:00)[9] | ||||
ISO 3166-2 | RU-MOW | ||||
Plata ti lisensia | 77, 99, 97, 177, 199, 197 | ||||
Opisial a sasao | Ruso[10] | ||||
Opisial a website |
Ti Moscow ket isu ti kapitolio, ti kapusekan ti papulasion a siudad, ken ti kaaduan ti populasion a pederal a suheto iti Rusia. Daytoy a siudad ket maysa a nangruna iti politikal, ekonomia, kultural, siensa, relihion, busbos, edukasion ken sentro kadagiti pagluganan iti Ruso ken ti kontinente. Ti Moscow ket isu ti akin-amianan unay a dakkel a siudad iti Lubong (ngem saan nga isu ti kalamiisan), ti kapusekan ti populasion a siudad iti Europa, ken maika-6 a kadakkelan a maitutop a siudad iti lubong. Ti populasion na daytoy, segun ti 2010 a Senso, ket 11,503,501.[7] Batayan ti Forbes 2011, ti Moscow ket addaan kadagiti 79 a bilionario, naiyallatiw na ti Siudad ti New York a kas ti siudad nga addaan ti kaaduan a bilang kadagiti bilionario.[11]
Ti Moscow ket naisaad idiay Karayan Moslva idiay Tengnga a Pederal a Distrito iti Europa a Ruso. Iti kabayatan iti pakasaritaanna, daytoy a siudad ket nagserbi a kapitolio kadagiti nagsasaruno nga estado, manipud iti taga-ugma a Natan-ok a Dukesa iti Moscow ken ti simmaruno a Tsardon iti Russia ken ti Kappon ti Sobiet. Ti Moscow ti pagsaadan ti Moscow Kremlin, ken ti taga-ugma a kota nga iti daytoy nga aldaw ket isu ti pagtaengan ti Presidente ti Ruso ken iti ehukutibo a sanga iti Gobierno iti Ruso. Ti Kremlin ket isu pay ti maysa kadagiti nadumaduma a Sangalubongan a Tawidan a Sitio ditoy a siudad. Isuda a dua a siled ti parlamento iti Ruso (ti Duma ti Estado ken ti Tipunan ti muyong a Konsilo ket nakatugaw met idiay Moscow.
Ti siudad ket naiserbian babaen ti bariwakwak a naaramidan a paglugluganan, nga mairaman dagiti uppat nga internasional nga eropuerto, siam a pungto ti tren, ken maysa kadagiti kaunegan iti uneg ti daga a tubo iti lubong, ti Moscow a Metro, ket maikadua laeng iti Tokyo iti banag iti panaglugan ken maibigbigan a kas ti maysa a mohon babaen ti kinabaknag ken sabsabali nga arkitektura kadagiti isuda a 185 nga estasion.
Ti kangatuan ken eksklusibo (representatibo) a bagiti estado a bileg idiay Moscow ket ti Siudad ti Moscow a Duma.