![]() | |
Axente libre | |
Posición | Ala / Escolta |
---|---|
Liga | NBA |
Información persoal | |
Nacemento | 4 de decembro de 1986 (37 anos)![]() |
Nacionalidade | ![]() |
Altura | 2,01 m (6 ft 7 in) |
Peso oficial | 107 kg (235 lb) |
Información da carreira | |
Instituto | Seattle Preparatory School (Seattle, Washington) |
NBA Draft | 2005 / Rolda: 1 / Elección: 6 Por Portland Trail Blazers |
Carreira | dende 2005 |
Historial de equipos | |
Portland Trail Blazers (2005–2010) →Fort Worth Flyers (2006) Minnesota Timberwolves (2010–2012) Washington Wizards (2012–2015) | |
Información en nba.com |
Martell Webster, nado o 4 de decembro de 1986 en Edmonds, Washington, é un xogador de baloncesto profesional estadounidense. Webster é o curmán de Jason Terry, escolta dos Milwaukee Bucks.
Webster foi seleccionado polos Portland Trail Blazers na 6ª posición do Draft da NBA de 2005, despois de que os Blazers traspasaran a súa terceira elección aos Utah Jazz horas antes do Draft.[1] Foi asignado aos Fort Worth Flyers da NBA Development League polos Blazers en xaneiro de 2006, e converteuse no xogador drafteado máis arriba (6ª posición) en ser asignado á D-League ata Hasheem Thabeet.[2] Máis tarde volveu aos Trail Blazers, en febreiro de 2006. Acadou a súa mellor marca da tempada con 26 puntos o 5 de xaneiro de 2008 na vitoria contra os Utah Jazz, con 24 deles anotados no terceiro cuarto.[3] En outubro de 2008, Webster asinou unha extensión de contrato de 4 anos, por valor de 20 millóns de dólares.[4]
O 20 de febreiro de 2009, o preparador dos Blazers, Jay Jensen, anunciou que Webster íase perder o resto da tempada 2008-09 debido a unha lesión no pé esquerdo.[5]
O 23 de xaneiro de 2010, anotou 28 puntos, o máximo da súa carreira, na vitoria contra os Detroit Pistons, igualando ademais o seu maior número de triplas nun partido, con 6 lanzamentos de tres conseguidos.[6][7] Webster foi traspasado o 24 de xuño de 2010 aos Minnesota Timberwolves a cambio de Ryan Gomes e os dereitos de Luke Babbitt.[8]
O 13 de xullo de 2012, Webster foi cortado polos Timberwolves. O 29 de agosto de 2012, asinou cos Washington Wizards.[9]