![]() | |
Sichuan Blue Whales – No. 6 | |
Información persoal | |
---|---|
Nacemento | 11 de setembro de 1983 (40 anos)![]() |
Nacionalidade | Estados Unidos / Nixeria |
Altura | 2,06 m (6 ft 9 in) |
Peso oficial | 116 kg (255 lb) |
Posición | Ala-pivote / Pivote |
Información da carreira | |
Instituto | Garland, Texas |
Universidade | Arizona State |
NBA Draft | 2005 / Rolda: 1 / Elección: 9 Por Golden State Warriors |
Carreira | 2005−presente |
Historial de equipos | |
Golden State Warriors (2005–07) Indiana Pacers (2007–08) Portland Trail Blazers (2008–09) Sacramento Kings (2009) New Orleans Hornets (2009) Los Angeles Clippers (2010-2011) San Antonio Spurs (2012) Xinjiang Flying Tigers (2012) Capitanes de Arecibo (2012) Guangdong Southern Tigers (2012−2013) Leones de Ponce (2013) Bakersfield Jam (2013−2014) Leones de Ponce (2014) Dongguan Leopards (2014−2015) Guangdong Southern Tigers (2015−2016) Jiangsu Monkey King (2016−2017) Sichuan Blue Whales (2018−presente) |
Ikechukwu Somtochukwu Diogu, máis coñecido coma Ike Diogu, nado o 11 de setembro de 1983 en Buffalo, Nova York, é un xogador americano, de pais nixerianos, de baloncesto profesional. Actualmente xoga para os Sichuan Blue Whales da Chinese Basketball Association (CBA).
Diogu foi seleccionado na 9ª posición do Draft da NBA de 2005 polos Golden State Warriors. O 23 de decembro de 2005, conseguiu a maior anotación na súa carreira, ao conseguir 27 puntos, en 13 de 15 tiros, pasando a súa anterior marca de 12 puntos.[1]
O 17 de xaneiro de 2007, Diogu, a quen Larry Bird chamou a "xema" do traspaso, foi traspasado aos Indiana Pacers xunto con Mike Dunleavy, Jr., Troy Murphy, e Keith McLeod a cambio de Stephen Jackson, Al Harrington, Šarūnas Jasikevičius e Josh Powell.[2]
O 26 de xuño de 2008, a noite do Draft da NBA de 2008, Diogu foi traspasado por Indiana aos Portland Trail Blazers xunto cos dereitos de Jerryd Bayless a cambio de Jarrett Jack, Josh McRoberts e os dereitos do draft de Brandon Rush.
Diogu foi traspasado aos Sacramento Kings a cambio de Michael Ruffin dos Chicago Bulls o 18 de febreiro de 2009.[3]
Diogu asinou cos New Orleans Hornets o 29 de xullo de 2009, pero non xogou ningún partido para o equipo.
Asinou cos Detroit Pistons o 27 de setembro de 2010, converténdose en membro do equipo na pretempada. O 20 de outubro de 2010, Diogu foi cortado polos Pistons.
Os Los Angeles Clippers contrataron a Diogu coma axente libre o 22 de decembro de 2010.[4] O 8 de febreiro de 2011, Diogu anotou 18 puntos, a súa mellor marca da tempada, contra os Orlando Magic.
O 3 de xaneiro de 2012, asinou cos San Antonio Spurs.[5] O 11 de xaneiro, foi despedido.