Lago Qinghai | |
---|---|
![]() | |
Vista dende o espazo en novembro de 1994. O norte está á esquerda. | |
País | ![]() |
Coordenadas | Coordenadas: 37°N 100°L / 37, 100 |
Superficie | 4186 km2 (2004) 4489 km2 (2007)[1] |
Cota | 3260 m msnm |
Profundidade | 32,8 m m |
Prof. media | 21 m m |
Tipo | Lago salgado edorreico |
Referencia | [1] |
O lago Qinghai ou Ch'inghai (chinés tradicional e simplificado: 青海胡; pinyin: Qīnghǎi hú; Wade-Giles: Ch'ing1-hai3 hu2), tamén coñecido como Tso Ngönpo (tibetano: མཚོ་སྔོན་པོ་) ou Köke nayur (escrita mongol: ᠬᠦᠬᠡᠨᠦᠦᠷ; cirílico: хөх нуур), é o maior lago da China. Situado nunha conca endorreica na provincia de Qinghai, á que dá o seu nome, está clasificado como lago salgado alcalino. O lago flutuou bastante en tamaño, reducíndose moito no século XX, mais aumentando a partir de 2004. Ten unha superficie de 4317 km³, unha profundidade media de 21 m e unha profundidade máxima en 2008 de 25,5 m.
O lago Qinghai sitúase a un cen quilómetros de Xining nunha bacía da chaira tibetana, a 3205 m sobre o nivel do mar.[2] Ao lago chegan vinte e tres ríos e regatos, a maioría deles estacionarios. Cinco correntes permanentes proporcionan o 80% do fluxo total.[3] A afluencia relativamente baixo e as taxas altas de evaporación volveron o Qinghai salino e alcalino; ten aproximadamente 14 partes por millar de sal e un pH de 9,3.[4]
Na punta da península situada na parte occidental do lago están as illas dos Cormoráns e dos Ovos, coñecidas como illas dos Paxaros.
O lago Qinghai illouse do río Amarelo hai aproximadamente 150 000 anos.[4] Incrementou a súa salinidade e basicidade dende principios do Holoceno.[4]
Segundo a mitoloxía chinesa, o lago Qinghai foi creado para o rei dragón Ao Run, quen andaba na procura do inexistente mar do oeste. Conmovido polo seu pranto, o emperador de xade invocou unha poderosa tormenta que deu orixe ao lago.[5]
![]() |
Wikimedia Commons ten máis contidos multimedia na categoría: Lago Qinghai ![]() |