Caprimulxiformes Caprimulgiformes
Caprimulgus macrurus.
Clasificación científica
Reino: Animalia Filo: Chordata Subfilo: Vertebrata Clase: Aves Orde: Caprimulgiformes Ridgway, 1881
Área de distribución mundial das caprimulxiformes
Familias
Véxase o texto
Sinonimia
Véxase o texto

A dos caprimulxiformes (Caprimulgiformes) é unha orde de aves neognatas que abrangue os podargos, as avenoiteiras e outras especies afíns.

Distribución

Coñécense 121 especies nesta orde,^[1] que se distribúen por case todo o planeta, agás polas rexións de clima ártico e nas illas de Nova Zelandia.

Características

Trátase de aves nocturnas con gran facilidade para camuflarse durante o día; mesmo velos nunha fotografía é ás veces complicado. A súa plumaxe é moi semellante na cor e no trazo ás follas secas ou á codia dunha árbore, fenómeno coñecido como cripse.

Crese que os membros desta orde están lonxanamente emparentados coas rapaces nocturnas (orde Strigiformes) e, algúns autores clasifícanos na devandita orde.^[2]

Taxonomía

A orde foi descrita en 1885 polo naturalista e ornitólogo estadounidense Robert Ridgway.

Na actualidade a maioría dos autores, seguindo ao Congreso Ornitolóxico Internacional, recoñecen cinco familias dentro da orde:^[3]

• Steatornithidae - guácharo
• Podargidae - podargos
• Nyctibiidae - urutaúes
• Caprimulgidae - avenoiteiras
• Aegothelidae - egotelos (ás veces separados nunha orde de seu, Aegotheliformes)

Porén, o Sistema Integrado de Información Taxonómica (ITIS), só recoñece dúas:^[4]

• Caprimulgidae
• Podargidae

Sinónimos

Ademais de polo nom e actualmente válido, estas aves tamén se coñeceron polos sinónimos:^[4]

• Steatornithes
• Caprimulgi

Notas

Véxase tamén

Wikimedia Commons ten máis contidos multimedia na categoría:  Caprimulxiformes

Wikispecies posúe unha páxina sobre:  Caprimulxiformes

Ligazóns externas

• Caprimulgiformes na EOL.