Bambi | |
---|---|
![]() Bambi adolescente con Flor, a mofeta, e Tambor, o coello. | |
Ficha técnica | |
Título orixinal | Bambi |
Director | David Hand James Algar Samuel Armstrong Graham Heid Bill Roberts Paul Satterfield Norman Wright |
Produtor | Walt Disney |
Guión | Perce Pearce Larry Morey Vernon Stallings Melvin Shaw Carl Fallberg Chuck Couch Ralph Wright |
Baseado en | Bambi, ein Leben im Walde de Felix Salten |
Intérpretes | Bobby Stewart Donnie Dunagan Hardie Albright John Sutherland Paula Winslowe Peter Behn Tim Davis Sam Edwards Will Wright Cammie King Ann Gillis Fred Shields Stan Alexander Sterling Holloway |
Música | Frank Churchill Edward H. Plumb |
Estudio | Walt Disney Productions |
Distribuidora | RKO Radio Pictures |
Estrea | 1942 |
Duración | 70 minutos |
Orixe | ![]() |
Xénero | Animación, Infantil |
Orzamento | $858 000 |
Recadación | $267 447 150 |
Filme seguinte | Bambi II |
Na rede | |
https://d23.com/disney-a-to-z/bambi-film/ | |
![]() ![]() ![]() ![]() ![]() ![]() ![]() ![]() ![]() ![]() |
Bambi é un filme de animación en Technicolor, baseado no relato Bambi, unha vida no bosque (Bambi, ein Leben im Walde no orixinal alemán), publicado en 1923 polo autor austríaco Felix Salten. É o quinto filme de animación producido por Walt Disney Pictures, estreado o 13 de agosto de 1942, e distribuído por RKO Radio Pictures nas salas de cinema dos Estados Unidos.
Os personaxes principais son Bambi, un cervo de cola branca, os seus pais (o Gran Príncipe do bosque e súa nai), os seus amigos Tambor (un coello de fociño rosado) e Flor (unha mofeta), e a súa amiga de infancia e futura compañeira, Faline. Para este filme, Disney decidiu cambiar a especie de Bambi dun corzo da historia na historia orixinal xa que é un animal que non vive en América para un cervo de cola branca que é máis familiar para americanos. Este filme foi premiado con tres Oscar, nas categorías de Mellor Son, Mellor Canción para Love Is a Song interpretada por Donald Novis e Mellor Banda Sonora.
Bambi é a historia dun veado contada desde a súa percepción dos acontecementos. Cos seus amigos, como Tambor o coello ou Flor a mofeta, irá descubrindo sabias leccións ao respecto do amor e mais da vida. O perigo vén representado polo ser humano, que Bambi vai comprendendo a través de duras experiencias como a perda da nai, que cae abatida polos cazadores.
A versión animada da historia omite a varios personaxes do libro, tales como Gobo, Karus o Rono e mesmo pasa por alto certas incursións e encontros co Home. Por outra banda, os carismáticos personaxes de Flor e Tambor son invencións da Disney.