Trentemoult, hiziv ur c'harter eus Reudied e Naoned Meurgêr, a oa ur gêriadennig pesketaerien ha martoloded, war ribl kleiz ar stêr Liger, e departamant Liger-Atlantel e Breizh.
E-pad kantvedoù e oa pesketaerien o chom eno, ha ivez ofiserien ar verdeadurezh kenwerzh.
Hiziv an deiz eo brudet an tier pesketaerien ha kabitened, livek o zalbennoù, kinklet a-wechoù en un doare dibar.
E porzh Trentemoult e oa bet enrollet un nebeud darvoudoù diavaez eus ar film Le Bateau à soupe gant ar filmaozour gall Maurice Gleize e 1946.
Dont a reas ar filmaozer Jean-Loup Hubert da dreiñ La Reine blanche gant an aktourez Catherine Deneuve e 1990. Aspadennoù kinklerezh ar film a chome c'hoazh e 2009. Troet e voe La Demoiselle d'honneur gant Claude Chabrol ivez, e 2005.
Bus: linenn 30, linenn 36, linenn 97
Navibus: linenn 1.
|