Anv ofisiel | Llanrwst, Llanrwst ![]() |
---|---|
Stad | Rouantelezh-Unanet ![]() |
E tiriad | Llanrwst ![]() |
Kontelezh istorel | Denbighshire ![]() |
Daveennoù douaroniel | 53°8′14″N 3°47′38″W ![]() |
Aotrouniezh | Llanrwst Town Council ![]() |
Statud gladel | National Monuments of Wales ![]() |
Kod-post | LL26 ![]() |
Lec'hienn ofisiel | http://www.llanrwst.net/ ![]() |
Daveennoù an Ordnance Survey | SH800615 ![]() |
Llanrwst (distaget [ɬanˈruːst] e kembraeg) zo ur gêr vihan hag ur gumuniezh e Sir Conwy, e hanternoz Kembre. Emañ war lez reter ar stêr Conwy, en draoñienn anvet Dyffryn Conwy.
E 2011 e oa annezet gant 3 323 a dud ; 61% anezho a oa kembraegerien.
Kreskiñ a reas Llanrwst abalamour da genwerzh ar gloan er c’horn-bro ha brudet e oa mezher ar gêr. Gwechall ivez e oa anavezet an telennoù hag an horolajoù graet e Llanrwst. Hiziv en deus kemeret an touristerezh ur plas brazik e buhez kêr, dre m’emañ war e-harz Eryri. E Llanrwst eo diazezet Gwasg Carreg Gwalch, un ti-embann kembraek pouezus.
E-touez savadurioù heverkañ Llanrwst e c’haller menegiñ an iliz-parrez, gouestlet sant Crwst pe Grwst, m’emañ bez ar priñs Llywelyn Fawr (marvet e 1240) hag Y Bont Fawr (ar pont bras), savet e 1636 da dreuziñ ar stêr Conwy ha da vont da vaner Gwydir, savet e 1492.
Dre Llanrwst e tremen hent-houarn Dyffryn Conwy a gas eus Blaenau Ffestiniog er c’hreisteiz da Llandudno en hanternoz.