Caerhun zo ur gumuniezh, bet parrez, war lez kleiz ar Stêr Conwy, er c'hreisteiz da Henryd hag en hanternoz da Dolgarrog, e bwrdeisdref Conwy, en hanternoz Kembre.
E 2011 e oa poblet gant 1292 a dud, ha 44,6% anezho a oa kembraegerien[1].
En-dro d'an iliz-parrez, eus ar XIVvet kantved, emañ an aspadennoù eus kreñvlec'h roman Canovium. Goude ma voe kuitaet Enez Vreizh gant ar Romaned, e 410, e oa ar c'hreñvlec'h-se etre daouarn ar roue Rhun Hir eus Rouantelezh Gwynedd, a roas e anv kembraek d'al lec'h, Caer Rhun.
An anv Canuvium a gaver meneget e meur a lec'h :
Deuet e vefe an anv-se eus *cano = ruz[2]