
Kumunioù Frañs
Anv izelvroek ha flandrezek kornôgel	Ekelsbeke
Anv ofisiel	Esquelbecq
Lec'hiadur
Skoed
Riez	Frañs
Rannvro	Hauts-de-France
Departamant	Norzh
Bro hengounel
Arondisamant	Dukark
Etrekumuniezh	Communauté de communes de l'Yser
Kanton	Wormhout
Kod INSEE	59210
Kod post	59470
Maer	Jean-Michel Devynck
Amzer-gefridi	2008-2014
Gorread	12,7 km²
Led	50° 53' 11" Norzh
Hed	02° 25' 55" Reter
Uhelder kreiz	21 m
Uhelder bihanañ	11 m
Uhelder brasañ	29 m
Poblañs hep kontoù doubl	2 145 (2010)
Stankter	169 a./km²
Lec'hienn ar gumun	www.esquelbecq.com

Ekelsbeke en izelvroeg hag e flandrezeg kornôgel, anv ofisiel e galleg : Esquelbecq, a zo ur gumun eus Flandrez Frañs (departamant an Norzh), er Westhoek.

Istor

Dispac'h Gall

23 a viz Eost 1793 : emgann etre ar C'hallaoued, Leclaire en o fenn, hag ar Vreizhveuriz hag an Aostrianed gant Dug York en o fenn^[1].

XX^vet kantved

Lab bet adsavet e La Plaine au Bois.
Monumant al Lazhadeg.
Plakenn ouzh an iliz katolik.

Lazhadeg La Plaine au Bois‎ e-pad an Eil brezel bed: 84 soudard eus Lu Breizh-Veur hag ur soudard gall, Robert Vanpée, a voe drouklazhet en ul lab el lec’h anvet La Plaine au Bois (nepell ouzh ar vevenn ouzh kumun Wormhout) goude bout en em rentet d'an 28 a viz Mae 1940, daou brizoniad a zeuas a-benn da achap. An dorfedourion a oa milourion eus an SS Leibstandarte Adolf Hitler^[2]^,^[3]. E bered Wormhout eo beziet ar Vreizhveuriz bet lazhet. E bered ar C'hommonwealth en Ekelsbeke eo douaret Robert Vanpée.

Monumantoù ha traoù heverk

Ar c'hastell, XIII^vet kantved, bet adkempennet e 1606.
Kouldri ar c'hastell, 1606.

Iliz katolik Sint Volkwyn, mod hallekerke, d.l.e. gant teir nev memes ment dezhe
An ograoù, 1982, da gemer lec'h ar re bet devet e 1976

An iliz katolik, X^vet-XVII^vet kantvedoù, bet distrujet gant an tan e 1976 hag adsavet e 1978.

Ur breserdi kozh

Ur breserdi kozh, deut da vout ur stal levrioù kozh.

An ostaliri

War ar blasenn e weler an ostaliri; dizimplij eo bremañ^[4].

Bezioù ar C'hommonwealth e bered ar gumun: Esquelbecq Communal Cemetery


Bro	Niver a soudarded
Rouantelezh-Unanet	2
Hollad	2

Marvet int e-pad ar Brezel bed kentañ, unan e 1916, egile e 1917^[5].

Bered ar C'hommonwealth: Esquelbecq Military Cemetery


Bro	Niver a soudarded
Afrika ar Su	1
Alamagn	7
Frañs	3
Indez	1
Kanada	2
Rouantelezh-Unanet	608
Zeland-Nevez	4
Hollad	628

Ur vered ag ar Brezel bed kentañ eo^[6]. Digoret e voe e miz Ebrel 1918, e penn-kentañ an dagadenn alaman e Flandrez, ha serret e miz Gwenholon 1918. Implijet e voe gant an daou ospital-talbenn (2nd Canadian ha 3rd Australian Casualty Clearing Stations) bet er gumun. Enni eo beziet ur soudard eus ar 2nd Bn. Durham Light Infantry bet fuzuilhet e miz Gouere 1916 evit bout dizertet^[7]. Implijet e voe endro e-pad an Eil brezel-bed, dreist-holl da veziañ soudarded bet lazhet e miz Mae 1940 e-pad an emgannoù evit difenn Dukark. E-mesk ar soudarded c'hall douaret enni emañ Robert Vanpée ^[8].

Armerzh

Nav stal levrioù kozh a gaver er gumun^[9].
Bervet e vez bier gant ar Breserdi Thiriez^[10].

Dezougen

An ti-gar.

War al linenn hent-houarn eus Arras da Zukark, bet digoret e 1848, emañ Ekelsbeke.

Douaroniezh

War lez ar ster Ijzer emañ Ekelsbeke.

Emdroadur ar boblañs 1793-2010

^[11]

Gouelioù

Patate-feest (Gouel an avaloù-douar) e miz Eost.
Nozvezh al Levrioù a vod aozerion, barzhed, embannerion, levrdiourion, h.a., bep kentañ sadornvezh a viz Gouere.

Melestradurezh

Tud

Bez Robert Vanpée e bered ar C'hommonwealth en Ekelsbeke

Robert Vanpée, ar soudard gall bet drouklazhet e La ‎Plaine au Bois‎ e 1940.

Gevelliñ

Levrlennadur

Guy Rommelaere, "Histoire et Patrimoine d'un village flamand: Esquelbecq", 1995
Guy Rommelaere, "Mai 1940: Le massacre oublié", eil embannadenn, 2002

Liamm diavaez

Ekelsbeke kêriadenn al levrioù

Notennoù ha daveoù

Rummadoù