Un astraer, pe un egoraer, pe ur sterdead, a zo un den hag a veaj en egor.
Ar ger brezhoneg astraer[1] a glot gant ar saozneg astronaut, hag an termen a vez graet gantañ gant an NASA (Stadoù-Unanet) hag an ESA (Europa). Ar ger egoraer[2] a glot gant ar rusianeg kosmonavt a vez graet gantañ evit ar re a veaj e-bourzh egorlistri soviedat pe rusian. Ar ger sterdead[3], savet war patrom ar ger merdead, gant ster evit astr, a zo un heñvelster da astraer.