Sarimuka marupakan salah sabuting wadai tradisiunal matan Kalimantan Selatan nang diulah tiba galapung baras gasan lapisan bawahnya lawan banyu santan gasan lapisan atasnya. Salaya mamakai tiba galapung baras, bagian bawahnya kawa diganti lawan lakatan.
Wadai Sarimuka baisi rasa nang pina lain pada wadai nang lain, nang mana bagian atasnya lamah wan manis, parahatan bawahnya hanta wan kasar.[1] Sualih di Kalimantan Selatan, wadai ngini jua kawa ditamui di Lombok, Nusa Tenggara Barat wan Tembilahan, Riau lawan ngaran nang sama.[2]
Sarimuka wayahnya hanya ditamui pabila bulan puasa cungul wan dijajakan di pakan wadai. Wayahini wadai sarimuka ditampaiakan lawan bamacam warna sukira maulah urang handak nukar.