Uranos (griachisch : Οὐρανός, Ouranos, latein: Uranus, Coelus oder Caelum, Himmelsgwejb) is in da griachischn Mythologie da Himmesgod ois peasonifiziata Himme. In da easchtn Generation vo de griachischn Gedda (Protogenoi) is a da Wejdheascha.[1] Ea is da Voda vo de Titana und da Grossvoda vo de olympischn Gedda.
Sei Muada is de Gaia («Eadn»), de wo eam duach Jungfraunzeigung gschoffa hod. Ea wor s easchte Monsbuid auf da Wejd.
Mit seina Muada Gaia hod da Uranos vui Kinda zeigt: ois easchtas de Titana, drei Kyklopn und drei Hekatoncheiren. Koans vo seine Kinda hoda megn. Ea hod se an Spass draus gmocht, se mit seim Riesnphallus imma wiedea in de Gaia zruckzstessn. In iam Zorn hod de Gaia iare Kinda ogstift eanan Vodan umzbringa. Dazua hods a Riesnsiche gmocht. De Kinda worn daschreckt und hom eanan Vodan ned umbringa woin. Nua oana, da Kronos hod zletzt gsogt, dass as mocha dadat.
Wia da Uranos s naxte Moi zua Gaia keman is und mit ia schlofa woit, hod eam da Kronos mit dera Siche entmont.
Aus de Bluadstropfa, wo zua Ead gfoin san, hod de Gaia de drei Furien (Erinyen), de Gigantn und de Meliadn (Meliai - de Melischen Nymphn - Eschennymphn - Dryaden, de Daimona vo da Rache und rohn Gwoit). Seitdem san de Erinyen de Rachegeista vo jeda Muada af da Wejd.
Ausm Sama vom obschnittan Gschlecht, wo ins Mea gfoin is, is de Aphrodite entstandn.
Noch da Entmonung vom Uranos hod da Kronos de Wejdheaschoft ibanomma.
Chaos | ------> | Gaia | ------> | Uranos | |||||||||||||||||||||||||||||||||||||||||||||||
Geddagschlecht | vo de Titana | ||||||||||||||||||||||||||||||||||||||||||||||||||
Okeanos | Kreios | Hyperion | Theia | Themis | Phoibe | ||||||||||||||||||||||||||||||||||||||||||||||
Kronos | Koios | Iapetos | Rhea | Mnemosyne | Tethys | ||||||||||||||||||||||||||||||||||||||||||||||