Aphrodite (griachisch Ἀφροδίτη) is in da griachischen Mythologie de Geddin vo da Liab, da Scheenheit und vom Sex (ois Fortpflanzung und ois sinnlicha Genuss). Uaspringle wors a Muada- und Fruchtborkeitsgeddin, eascht mit da Zeit is do draus de Geddin vo da Liab und Scheenheit worn. Ia Pendant in da remischn Mythologie is de Venus.
Da Kronos hod im Uranos, seim Vodan, af Rot vo seina Muada Gaia de Gschlechtstei ogschniddn und ins Mea gschmissn. Dees Bluad und da Sama hom si mitm Mea vamischt, so dass ois afgschaimt gwen is. Do draus is de Aphrodite geborn worn und domit is se a Dochta vom Uranos. In Zypern is de Aphrodite nacha an Land ganga und hod si zweng iara Blees hint an Myrtnbusch vasteckt. Dortn is vo de Horen gschmickt worn und spoda dena Gedda vorgstejt worn.[1]