Les especies d'árboles y plantes con nome común en llingua asturiana márquense como Nbot. En casu contrariu, conséñase'l nome científicu.Abies alba abetu común  | ||
|---|---|---|
 | ||
| Estáu de caltenimientu | ||
 Preocupación menor (IUCN 2.3)[1] | ||
| Clasificación científica | ||
| Reinu: | Plantae | |
| Subreinu: | Tracheobionta | |
| División: | Pinophyta | |
| Clas: | Pinopsida | |
| Orde: | Pinales | |
| Familia: | Pinaceae | |
| Xéneru: | Abies | |
| Especie: |
Abies alba Mill., 1768 | |
| Distribución | ||
 | ||
 | ||
| Consultes | ||
| Royal Botanic Gardens, Kew | Royal Botanic Gardens, Kew | |
| World Flora Online | World Flora online | |
| [editar datos en Wikidata] | ||
L'abetu común[2] (Abies alba) ye una especie arbórea de la familia de les pinacees, orixinaria de les rexones montascoses d'Europa. De porte piramidal, tamañu mediu o eleváu, ente 20 y 50 metros, puede algamar los 60 metros d'altor, el so tueru ye derechu y columnar, desprovistu de cañes na so parte inferior, d'hasta 6 metros de circunferencia, con corteza cenicienta a ablancazada, llisa y con visícules resinoses; escurezse y seda nos exemplares vieyos.
Ye un árbol perennifoliu, de fueyes lliniales de 1,5 a 3 cm, planes, solitaries, non punchantes, dispuestes en dos fileres grueses con dos llinies ablancazaes na parte inferior; yemes non resinoses. Les sos cañes dende'l suelu son cuasi horizontales. Estróbilos erectos ente 10 y 20 cm con escames tectrices.
Floria na primavera, mientres el mes d'abril. Los conos maurecen na seronda siguiente. Les flores estrémense en conos femeninos (les piñes o estróbilos) y en conos masculinos (onde ta'l polen)
Nes fasteres y aveseos de los montes, principalmente sobre los suelos frescos y fondos, tanto nos ricos como nos probes de cal, con óptimu ente los 700 y 1800 metros, pero algamando con frecuencia los 2000 m. Rique un clima húmedu, con seca braniza non bien acusada, perxudicándolu enforma les xelaes tardíes. Xúntase a la faya y tamién al pinu roxuNbot, cuando esti ye favorecíu; o col pinu montésNbot na so llende cimera.
En principiu nun son mui comunes na Península Ibérica, anque pudieron vese exemplares d'esti pinaceu na cordelera cantábrica.
Nel norte y centru y delles árees del sur d'Europa; desarróllense na zona norte peninsular y especialmente nos Pirineos, alcontrándose les sos mases más importantes na Comunidá Foral de Navarra y provincies d'Uesca, Lleida, Barcelona y Girona. Algama la so llende más meridional nel Montseny y Sierra de Guara.
El nome científicu d'esti abetu, alba, alude ensin dulda al color ablancazáu de la so corteza, rica en taninos.
La madera ye blanca, llixera, pocu resinosa, bono de trabayar, ye bien usada na construcción, n'ebanistería fina, pa la confección de preseos musicales como órganos y na fabricación de papel.
La trementina, que se llogra de vexigues corticales, ye un líquidu de golor resinoso y sabor daqué amargosu, que los llatinos llamaron lacryma abietis y que goció de gran fama como balsámicu y vulnerariu. Cuando ta ensin tratar conozse col nome de resina y úsase pa calafatear los barcos.
Base de la fueya non decurrente (buelga llimpia al arrancar la fueya, exes del ramillu nidios al tactu), inxertamientu del peciolu circular (y que nun sobresal de la superficie del ramillu, llisu). Fueyes de normal escotaes nel ápiz, de seición esplanada, llargues, verde escuru. Piñes erectes d'escames caduques y bráctees tectrices de les mesmes salientes.
Tien propiedaes asemeyaes a les del pinu. Les yemes son riques en resina, y les sos esencies principales son el limonenu y el alfa pinenu. Les fueyes presenten una notable cantidá d'esencies, amás de glucósidos y piceína. La corteza ye rica en taninos y flobacenu. La resina amás de ser rica en trementina, tien cierta cantidá d'acedu abietínico.
Abies alba describióse por Philip Miller y espublizóse en The Gardeners Dictionary:...edition seven 110, 2. 1759.[4]
Abies: nome xenéricu que vien del nome llatín de Abies alba.[5]
alba: epítetu llatín que significa "blancu"[6]
Sinónimos ambiguos:
 |
Wikispecies tien un artículu sobre Abies alba. |
Wikimedia Commons acueye conteníu multimedia sobre Abies alba.| Control d'autoridaes |
|
|---|
Datos: Q146992 Multimedia: Abies alba
Especies: Abies alba