Die fimf Pinkt sin di nit veränderlige Grundsätz vu dr Wikipedia.
![]() |
D Wikipedia isch e Enzyklopedii: D Wikipedia sott derzue gnutzt wäre, e Sachenzyklopedii ufzböue. Mir lege s Hauptaugemerk druf, Fakte z sammle un ufzbereite zue dr alemannische Regione, dr alemannische Kultur un dr alemannische Sproch. |
![]() |
Neutralität: Dr neutral Standpunkt versuecht, Idee un Fakte in ere Art un Wys darzstelle, ass Lyt, wu gege die Idee sin, un au Lyt, wu fir si sin, d Bschrybig vu däre Idee in dr Wikipedia chenne toleriere. Er forderet nit d Akzeptanz vu allene; des wird s sälte gee, wel z. B. mänki Ideologie alli Standpinkt usser ihrem eigene ablähne. Wäge däm sott s Ziil syy, e Bschrybig z formuliere, wu fir alli Beteiligte tolerabel isch, wu „rational dänke“. |
![]() |
Freji Inhalt: Wikipedia isch e freji Enzyklopedii. D Inhalt mien unter ere Lizänz stoh, wu ne Wyternutzig, sofärn d Autore gnännt wäre, un e wyteri Verbreitig unter glyche Bedingige (Copyleft) erlaubt. Dr Tekscht vu dr Wikipedia stoht unter dr Creative Commons-Lizenz Attribution-ShareAlike 3.0 Unported, viil Tekscht sin au no zuesätzlig lizänsiert unter dr GNU-Lizänz fir freji Dokumäntation, d Bilder hän verschideni Lizänze. Wänn Tekscht un Bilder ohni d Erlaubnis vum Rächtinhaber vereffentligt wäre, cha des Projäkt ärnschthaft gfährdet wäre. |
![]() |
Kei persenligi Aagriff: D Teilnehmer bi dr Wikipedia chemme us unterschidlige Regione, Länder un Kulture un hän vylmol arg unterschidligi Aasichte un alli hän e verletzligi Syte. E sachlige, wänn meglig frejndschaftlige Umgang vu dr Autore unterenander isch des, was mir wänn. Wänn eber Fähler macht, sott mer zerscht emol drvu usgoh, ass er s guet meint, un sott em hälfe. |
![]() |
Leen ich nit abschrecke vu däne Regle. E jede cha an däre Enzyklopedii mitschrybe oder ebis dra ändere, verbessere, ergänze oder stryche. Machen ich keini Gedanke iber Fähler, wu ihr villicht chenne mache. Hälfe mit! |