Richtlinie

D Kategorie sölet helfe usezfinde, wa för Artikel zumene Thema scho verfasst wore sind. Si sölet drum öbersichtlich und logisch aaglait werde und wüsseschaftliche Kriterie folge.

Grössi vonere Kategorii

[Quälltäxt bearbeite]

Z grossi Kategorie mit merere Dotzed Iiträäg chönet unöbersichtlich wörke, drum chases sinnvoll sii Underkategorie aazlege. Z vill chliini Underkategorie machet d Sach degege unöbersichtlich, well denn meriri Siite uftue werde müend, obwoll ales uf annere Sitte Platz hetti. Us dem Grund geltet die Regle:

mindestens 10 Iiträäg: Kategorie mit weniger as 10 Iiträäg sind nöd erwünscht, asigi mit weniger as 5 Iiträäg tööred glöscht werde

Löschregle

[Quälltäxt bearbeite]

Kategorie mit weniger as 5 Iiträäg töred oni Rückfroog sofort glöscht werde.
Kategorie mit 5, 6, 7, 8 oder 9 Iiträg tööred nach zwee Taag glöscht werde, soobald zwee Mitarbaiter iiverstande sind.
Kategorie mit 10 oder mee Iiträg underliged em gwönliche Löschverfaare und müend bigründet werde.

Name

[Quälltäxt bearbeite]

Demit kai Missverständnis entstönd und s Kategorisiere au aifacher isch, sött de Name sorgfältig gwäält werde:

Im Gegesatz zu de Artikel sin d Näme vo de Kategorie uff Alemannisch.
De Name stoot immer im Singular (Ainzaal)!
D Uusdrück und Schriibwyse, wo brucht wered, sötte möglechscht im ganze Alemannische Ruum verständlech sii.
Vorsichtig sott mer sii bi Näme, wo missverstande werde chöned. Also lieber Boum oder Baum statt Boom oder Buum.
Sonderzeiche und Akzänt sin nid erlaubt.
Kai lokaali Uusdrück und kai Släng verwende!
För lokaali Themene söll degege besser de lokali Name bruucht werde, aso Toggeborg besser as Toggeburg
För Schwiizer Themene werd empfole d Schriibwiis Schwiiz oder Schwiz, Schwiizer respektiv Schwizer zbruuche, um e Verwechslig mit em Kantoo Schwyz z vermiide.
Bim Aalege vonere noije Kategorie söll mer sich bim Name a Kategorie orientiere, wo scho bistönd. E Kategorie Chinesische Ort isch nöd erwünscht, well sich de Bruuch iigstellt het Ortskategorie noch em Muster Ort (Land) aazlege.
Vorzugswiis sött e Name nie mee as drai Wörter haa und nu us Substantiv (Hauptwort) bistoo. D Verwendig vo Chlammere noch em Schema Fluss (Land) het sich bis etz as nützlich erwise.

Undekategorie

[Quälltäxt bearbeite]

Generell sind möglichst wenig Underkategorie erwünscht, dos aifacher isch sich uf ainere Sitte en Öberblick z schaffe as uf merere. Erst wenn vom Thema her oder wenn e Hoptkategorii bzw. Öberkategorie meriri Totzed Iiträäg het, söll e Underkategorii aaglait werde.

Artikel, wo inere Underkategorie kategorisiert sind, sötted nöd ono i de Hoptkategorii erschiine; usser:
Hoptartikel vonere Underkategorie werded ono i de nöchst obere Kategorie iigornnet.

z.B. Krim het d Kategorie Krim und Ukraine, de Artikel Krimgebirge aber nume Krim

Noiji Underkategorie müend sich is System vo de Hoptkategorie aapasse. E "wilds" Kategorisiere schafft mee Unornnig und büütet au kai grossi Hilf.

Wie werded Artikel kategorisiert?

[Quälltäxt bearbeite]

En Artikel cha und söll - wenn sinnvoll - merere Kategorie zuegornnet werde. Debi isches sinnvoll d Raiefolg möglichst logisch azlege und nöd dörenand.

Persone: bi Persone immer s Land (z.B. China) oder wenn vorhande d Nationalität (z.B. Chinees) aggee, sötti da nöd mögli sii, di Person as "Person" kategorisiere.
Fraue werded mit de männliche Bizaichnig kategorisiert
Geographii: au doo, immer s Land agee

En Artikel isch immer möglichscht gnau z'kategorisiere, also in die unterschti Unterkategori, wo passt. Dr Artikel darf nid zuesätzlig in ere übergordnete Kategori yygordnet wärde - mit einere Usnaam: Dr Artikel isch gliichzitig s Hauptthema vo dr Unterkategorie - dä Artikel wird als Hauptartikel vo dr Unterkategori (mit [[Kategorie:Unterkat|!]]) und normal alphabetisch in dr übergordnete Kategori yygordnet.

Innerhalb vonere Kategori wärde d Artikel grundsätzlig noch dr schriftdütsche Schriibwys vom Artikel kategorisiert, mit einere Usnaam: Persone wärde noch em Nochname kategorisiert (mit [[Kategorie:Unterkat|Muster, Max]]).

D'Kategorisierig in de MediaWiki-Syntax

[Quälltäxt bearbeite]

Zum e Site kategorisiere müeß (vorzugswis am Änd vom Artikel vor de Interwiki-Link) [[Kategorie:Kategoryename]] tippt werre. Züesätzlig cha mer's yrichte, dass d'Site uff de Kategoryesite a-n-re bstimmte Stell ygordnet wird. Dodezüe drännt mer mit me senkrächte Strich (|) vom Kategoryename ab, wo d'Site ysortiert werre soll. Bispyl: wenn d'Site Max Muster in de Kategory Person under Muster, Max ysortiert werre soll, no git mer y: [[Kategorie:Person|Muster, Max]]

We mer nüt zu de Ysortierig agit, no wird d'Site noch ihrem Titel sortiert. Bi Site mit Bräfix (zum Bispyl Wikipedia:Stammtisch, Vorlage:User gsw) dient s Bräfix als Referänz.

Lüeg au

[Quälltäxt bearbeite]