Walkringen | |
---|---|
![]() | |
Basisdate | |
Staat: | Schwiiz |
Kanton: | Bärn (BE) |
Verwautigschreis: | Bärn-Mittuland |
BFS-Nr.: | 0626 |
Poschtleitzahl: | 3512 |
Koordinate: | 613808 / 199556 |
Höchi: | 708 m ü. M. |
Flächi: | 17,2 km² |
Iiwohner: | 1795 (31. Dezämber 2022)[1] |
Website: | www.walkringen.ch |
Blick vom Hotel Rüttihubelbad uf s winterlechi Wauggringer Moss u d Bärner Alpe | |
Charte | |
![]() |
Wauggringe (amtlech Walkringen) isch e politischi Gmeind im Verwautigschreis Bärn-Mittuland im Kantuu Bärn, Schwyz.
Wauggringe ligt im oberen Bigetau uf ere Hööchi vo 708 m ü.M. ungfähr drizäh Kilometer öschtlich vu Bärn. D Gmeind umfasst d Dörfer Wauggringe, Bigetau u Wikartswiu u d Wiiler Schwendi u Wydimatt. Dr Landschaftstyp isch s schwiizerische Mittuland mit eim Wauggringer Moos. Deet fliest dr Biglebach düre. Im Mittelalter isch deet noch e See gsii. S Gmeindgebiet umfasst 17,2 Quadratkilometer und het Aatäil am Aaretal und am Ämmital. D Gmeindsflächi bsteit us 56,5 % langwirtschaftlecher Flächi, 36,6 % Waud, 6,3 % Sidligsflächi u 0,5 % süschtigi Flächi.[2] D Nachburgmeinde si Hasli, Lützeflüe, Landiswiu, Arni (BE), Bigle, Worb u Vechige.
Wauggringe isch zum erschte Mal gnennt worde im Jahr 1220 aus Walcheringin, Wikartswiu 1217 aus Wikarsuylarer. Bis zum 31. Dezämber 2009 het d Gmeind zum Bezirk Chonufinge ghört.
Quäuue: Bundesamt für Statistik 2005[3]
Jahr | 1850 | 1860 | 1870 | 1880 | 1888 | 1900 | 1910 | 1920 |
Ywohner | 2055 | 1967 | 2041 | 2100 | 2067 | 1932 | 2070 | 2003 |
Jahr | 1930 | 1941 | 1950 | 1960 | 1970 | 1980 | 1990 | 2000 |
Ywohner | 1886 | 1884 | 2049 | 2040 | 1870 | 1777 | 1735 | 1956 |
Dr Uusländeraateil isch 2010 bi 4 % gläge.[2]
82,8 % vo de Ywohner si evangelisch-reformiert, 5,6 % si römisch-katholisch (Stang 2000).[2]
Bi de Nationauraatswahle 2011 het s das Ergebnis ggää:[2] BDP 16,8 %, CVP 0,9 %, EVP 2,6 %, FDP 3,5 %. GLP 3,7 %, GP 8,3 %, SP 13,4 %, SVP 45,5 %, Suschtigi 5,3 %.
Gmeindspresidäntin vo Wauggringe isch d Christine Hofer-Ryser (Stang 2013).
D Arbetslosigkeit isch im Jahr 2011 bi 1,0 % gläge.[2]
Bir Vouchszeuuig 2000 hei vo de 1956 Ywohner 97,1 % Dütsch aus Houptsprach aaggää, 0,3 % Französisch u 0,3 % Italienisch.[2]
Dr Dialäkt vo Wauggringe ghört zum Hochalemannisch.