S BE im Lemma isch s offiziell Chürzel vom Kanton Bärn und wird bruucht, zum Verwächslige mit Yträäg vom Name Thurnen vermyde, wo öppis anders meined. |
Thurnen | |
---|---|
![]() | |
Basisdate | |
Staat: | Schwiiz |
Kanton: | Bärn (BE) |
Verwautigschreis: | Bärn-Mittuland |
BFS-Nr.: | |
Poschtleitzahl: | 3127 Lohnstorf 3127 Mühlethurnen 3128 Kirchenthurnen |
Koordinate: | 605256 / 184750 |
Höchi: | 573 m ü. M. |
Flächi: | 6,0 km² |
Website: | www.thurnen.ch |
![]() mit eme Zug vor BLS und eme Poschtouto de Bahnhof Tuurne | |
Charte | |
![]() |
Tuurne (amtlech Thurnen) isch e Ywonergmeind im Verwautigschreis Bärn-Mittuland vom Kanton Bärn ir Schwiz.
Tuurne ligt im mittlere Gürbetau, dört, wos uf Riggisbäärg uechi geit. Nachbergmeinde si (im Weschte aagfange u denn im Uhrzeigersinn desume); Riggisbäärg, Rümmlige, Chuiterf u ganz im Süüde no Burgistei, wa scho zum Verwautigskreis Thun ghört.
Uf en 1. Jänner 2020 hei di bishärige Ywonergmeinde Chiuchetuurne, Looschterf u Mületurne zur neue Gmeind mit em Name Thurnen fusioniert.[1] Dä Name het Chiuchetuurne bis 1860 treit u bi Mületurne isch er im Name drinne. S Wappe vor Gmeind het de Chiuchetuurm vo Chiuchetuurne drinne, wo scho i de aute Wappe vo Chiuchetuurne und vo Mületurne drinne gsii isch. S Müliraad us em Wappe vo Mületurne chunnt chli angersch gstauted unge drahäre. Us em Wappe vo Looschterf isch de Taler, wo i de ungere Mitti vom neue Wappe platziert wird.[2]
D Bewohner vor Gmeind si mehrheitlech evangelisch-reformiert, nume weni si römisch-katholisch. Di reformierti Chilegmeind, wo scho lenger Thurnen heesst, betröit näbe de drei Dörfer vo Tuurne ou no die Glöibige us Choufderf, Rümmlige u Burgistei.[3]
De Dialäkt vo Tuurne ghört zum Hochalemannisch.
De erscht Gmeindspresidänt vo Tuurne isch de Christian Kneubühl (SVP). Er isch de bishärig Gmeindspresidänt vo Mületurne gsi. D Gmeindspresidäntinne vo de beede angerne Gmeinde, d Dora Haslebacher (parteilos) vo Looschterf u d Barbara Zürcher (parteilos) vo Chiuchetuurne, wärde de bishärig Gmeindrat vo Mületurne ergänze. Ab em Jahr 2022 wirds z Tuurne de wider e neue, sibechöpfige Gmeindrat gää.[4]
Z Mületurne gits sit 1920 e Bahnhof ar Gürbetalbahn, wo äbefaus Thurnen heesst. Vo hie fahrt es Poschtouto uf Riggisbäärg. Näben em Bahnhof steit e Landi, di auti Mühli u d Fabrigg, wo Surchrut macht.