D Theudebald au Theutbald (* ?; † 746?) isch e alamannischa Herzog vun 709 bis 744 gsi. Er isch dr Sohn vum Gotfrid un d Brueder vum Lantfrid gsi.
Nochm Tod vum Herzog Gotfrids 709 het dr Theudebald zomme mit sinem Brueder Lantfrid s Omt vum alamannische Herzog ybernumme. Beidi Brüeder sin in ihrem Omt dr fränkische Husmeier in ere erbitterte Findschaft gegeiber gstonde.
Dr Kloschterbischof Pirmin het 724 unterm Schutz vum Husmeier Karl Martell s Kloschter Reichenau zmittsen im alamannische Herzogtum grindet. Des isch vum Lantfrid un vum Theudebald als Provokation ufgfasst worre. Dr Theudebald het 727 dr Abt Pirmin vertribä, ob odium Karoli (us Hass gegä d Karl). Un 732 au dr Nochfolger Abt Heddo usm Kloschter Reichenau. 730 het dr Karl Martell ä Feldzug gege d Herzög Theudebald un Lantfrid gfiehrt. Dr Lantfrid isch no im selbe Johr gstorbe un d Theudebald het dodruf s alleinig Herzogomt ibernumme. 742 het sich dr Theudebald zomme mit dr Vaskonen, dr Bajuwaren un dr Sachsen im Elsass gege d Husmeier Karlmann un Pippin III. erhobe. 743 hen dr Theudebald un dr Bajuwarenherzog Odilo e Niderlag om Lech gege beidi Husmeier erlitte. Noch m erneyti Ufstand gege dr Pippin im Johr 744 isch dr Herzog Theudebald vum Pippin bsigt un us Omt un Würdi gworfe worre.
![]() |
Dä Artikel basiert uff ere fräie Übersetzig vum Artikel „Theudebald_(Alamanne)“ vu de dütsche Wikipedia. E Liste vu de Autore un Versione isch do z finde. |