Nossike | |
---|---|
![]() | |
Basisdatä | |
Staat: | Schwiiz |
Kanton: | Züri (ZH) |
Bezirk: | Uschter |
Gmeind | Uschter |
PLZ | 8610 |
Koordinate: | 697453 / 244064 |
Höchi: | 490 m ü. M. |
Flächi: | ca. 5 km² |
Iiwohner: | 5000 (31. Dezember 2008)[1] |
Website | www.oberuster-nossikon.ch |
![]() Nossikon | |
Charte | |
![]() |
Nossike (amtlich: Nossikon) isch än ehemaligi Zifilgmeind und äs Quartier fo dä Stadt Uschter im Kanton Züri.
Nossike lyt südweschtlich vom Schlossberg und äm Tämbrig ungfäär 1,5 km vom Schtattzäntrum fo Uschter. Fo Nossike hät mä än schöne Blick uf dä Gryfesee und dä Pfaneschtyl. Nossike beschtaat us äm altä Dorfchern und rundume ferschidäni Noibouquartier. Im Süde fo Nossike befindät sich s Naturschutzgebiet Verenetorain und Brunnacher, wo dä Klusbach dädurdure flüsst, wo in Riedike sich mit äm Tüfenbach feräint und dänn in See flüsst.
Im alte Dorfchern von Nossike isch foralläm s alti Gaschthuus Chrone bemerkenswert, wo im Schtil vomänä herrschaftliche Schloss ghalte isch. Gägänübär fo dä Chronä isch Töpferei Burg imäne alte Rigelhuus und s alte Schuälhuus mit dä Schuälhuusuur.
Nossike isch mit dä Buslinie 813 as öffentliche Transportnetz aagschlosse. Die Linie faart vom Bahnhof über Kirchuster uf Nossike und chèèrt det, bevor si zrugg zum Baanhof faart. Nossike isch so guät mit äm Schtattzäntrum verbunde. Di nöchschti Uuffaart uf d Oberlandautbaan isch Uschter-Oscht in Oberuschter inäre Entfernig fo 1 km öschtlich.
In Nossike gits än Volglade und s Gaschthuus Chrone mit dä Chegälbaan, wo s wirtschafltiche und kulutrelle Zäntrum vom Quartier bildet.