D Christel Peschke (* 26. Merz 1938 z Troppau, Tschechoslowakei; † 23. Oktober 2020^[1]) isch e dytschi Schauspiileri gsii.

Lääbe

Noch ere Uusbildig zur Schauspiileri an dr Staatlige Hoochschuel fir Musik un Darstellendi Chunscht Stuegert un verschiidene Engaschmänt z Oberhausen, z Dortmund, z Münster un z Wunsiedel het d Christel Peschke vu 1965 bis zue ire Pänsionierig 2003 fescht em Ensemble vum Theater Augschburg aagheert. Deert isch si au reegelmääßig as Gaschtschauspiileri ufdrätte. Driber uuse het mer si in dr Spiilzyt 2007/08 au im Gärtnerplatztheater z München in Operette un Musical chenne sää. In vyyl Fäärnseeprodukzioone vu dr Augschburger Buppechischte het si as Sprächerin mitgwiirkt. Zäme mit em Geoffrey W. Abbott het si ne CD mit Lieder un Gediicht vum Bertolt Brecht produziert. D Christel Peschke het z Augschburg gläbt.

Wiichtigi Rolle am Theater Augschburg (Uuswaal)

• Mutter Courage in Mutter Courage und ihre Kinder vum Bertolt Brecht
• Erna in Die Präsidentinnen vum Werner Schwab
• Aase in Peer Gynt vum Henrik Ibsen
• Oberin Morton in Chicago vum Bob Fosse (Täxt) un em John Kander (Musik)
• Frl. Schneider in Cabaret vum Fred Ebb (Täxt) un em John Kander (Musik)
• Maria in Josef und Maria vum Peter Turrini

Filmografy

• 1972: Wir Schildbürger
• 1982: Katze mit Hut
• 1983: Neues von der Katze mit Hut
• 1986: Schlupp vom grünen Stern
• 1989: Die Wetterorgel
• 1989: Eine kleine Zauberflöte
• 1991: Die drei Dschungeldetektive
• 1992: Das Burggespenst Lülü
• 2007: Christina (Chuurzfilm) – Reschy: Benedikt Maria Kramer (mit dr Stephanie Gossger, em Michael A. Grimm un em Wolfgang Grabow)
• 2016: Die Weihnachtsgeschichte

CD

• Bert Brecht – Gedichte und Lieder mit em Geoffrey W. Abbott

Weblink

• Christel Peschke in dr Internet Movie Database

Fueßnote

1. ↑ Christel Peschke ist tot › Die Augsburger Zeitung. 23. Oktober 2020, abgruefen am 25. Oktober 2020. 

Dä Artikel basiert uff ere fräie Übersetzig vu dere Version vum Artikel „Christel_Peschke“ vu de dütsche Wikipedia. E Liste vu de Autore un Versione isch do z finde.