Burg Huse | ||
---|---|---|
![]() Burg Huse im Februar 2008 vu Weschte uus gsäh | ||
Alternativnäme: | Castrum Husen | |
Entstehigsziit: | 1246 | |
Burgetyp: | Hecheburg | |
Erhaltigszuestand: | Ruine | |
Ständischi Stellig: | Grofe | |
Ort: | Huse | |
Geografischi Lag: | 48° 16′ 58,5″ N, 8° 10′ 3,5″ O | |
|
D Burg Huse isch e hochmittelalterligi Burgruine iber dr Stadt Huse im Ortenaukreis z Bade-Wirttebärg.
D Ruine lyt im Kinzigdal im Schwarzwald.
Wahrschyns hän d Herzöge vu Zähringe im 12. Johrhundert do ne erschti Burg böue loo. Si isch anne 1246 s erscht Mol as Castrum Husen gnännt wore. Si isch derno in dr Bsitz vu dr Grofe vu Fryybeg chuu. Anne 1303 isch d Burg dur d Hochzyt vu dr Verena vu Fryybeg mit eme Firschtebärger an d Grofe vu Firschtebärg) chuu.
Dr Grof Heinrich IV. vu Firschtebärg het d Burg zwische 1453 un 1477 großzigig umböue un erwytere loo. E Halsgrabe un e Vorburg hän di eigetlig Burg mit em Palas un em Bärgfrid gschitzt.
D Burg isch d Wohnig vu dr firschtlige Burgvegt gsi. Im Johr 1632 isch d Burg abbrännt un isch derno wider ufböue wore. 1643 isch si vu franzesisch-weimarische Truppe unter em Grof Jean Baptiste Budes de Guébriant gschlisse wore.
Speter isch d Ruine in d Schanze mit yybezoge wore fir d Verdeidigung vum Dal gege fyndligi Truppe.
Anne 1896 het dr Bärgfrid e Zinnechrone iberchuu statt em Durmhelm. 1968 het d Stadt Huse d Ruine vum Firschtehuus Firschtebärg ufgchauft.
Erhalte sin Deil vu dr Palasmuure, dr sognännt Batteriidurm un dr Bärgfrid.
![]() |
Dä Artikel basiert uff ere fräie Übersetzig vu dere Version vum Artikel „Burg_Husen“ vu de dütsche Wikipedia. E Liste vu de Autore un Versione isch do z finde. |