Boncourt | |
---|---|
![]() | |
Basisdate | |
Staat: | Schwiiz |
Kanton: | Jura (JU) |
Bezirk: | Porrentruy |
BFS-Nr.: | 6774 |
Poschtleitzahl: | 2926 |
UN/LOCODE: | CH BCU |
Koordinate: | 568102 / 260652 |
Höchi: | 373 m ü. M. |
Flächi: | 9.02 km² |
Iiwohner: | 1205 (31. Dezämber 2022)[1] |
Website: | www.boncourt.ch |
![]() Boncourt | |
Charte | |
![]() |
Boncourt isch e Gmeind im Bezirk Pruntrut im Schwiizer Kanton Jura. Uf dütsch het ma früener au Bubendorf gseit, wo ma hüt aber nüm bruucht.
Boncourt isch di Gmeind wo am witeschte im Nordweschte vom Elsgau ligt. Im Norde un im Weschte gränzt die Gmeind an Frankriich un zwar an d Gmeinde Villars-le-Sec, Saint-Dizier-l’Évêque, Lebetain, Delle, Florimont un Courcelles. Im Südoschte isch di einzig Schwiizer Nachbargmeind Basse-Allaine. S Dorf ligt uf ere Höchi vo 373 Meter, 10 km ewäg vo Pruntrut, em Zäntrum vom Elsgau im Tal vo de Allaine. D Markig vo de Gmeind het e Grössi vo 9,0 km². De höchschti Punkt het e Höchi vo 548 Meter. Im 1997i isch 12 % vo de Gmeindsflächi besidlet gsi, 41 % sin Wald gsi un uf 46 % isch buuret worde.
Boncourt het 1307 Iiwohner (Endi 2007) un isch dodermit eini vo de gröschte Gmeinde im Kanton Jura. Vo de Bewohnern sin 96,6 % französischsprachig, 2,1 % dütschsprachig un 0,4 % italienischsprachig (Stand 2000).
Di erscht urkundlichi Erwähnig vo Boncourt isch us em Johr 1140, wo vo Bononis Curia d Red isch. Im Johr 1271 het s Fürschtbistum Basel d Ortsherrschaft übernoh. Zwüsche 1793 un 1815 het Boncourt zu Frankriich ghört. De Wiener Kongress hets Dorf im 1815 im Kanton Bärn zugschproche. Sit ma am 1. Januar 1979 de Kanton Jura gründt het, ghört Boncourt zum jüngschte Kanton vo de Schwiiz.