Alle | |
---|---|
![]() | |
Basisdate | |
Staat: | Schwiiz |
Kanton: | Jura (JU) |
Bezirk: | Pruntrut |
BFS-Nr.: | 6771 |
Poschtleitzahl: | 2942 |
Koordinate: | 576757 / 253043 |
Höchi: | 450 m ü. M. |
Flächi: | 10.66 km² |
Iiwohner: | 1882 (31. Dezämber 2022)[1] |
Website: | www.alle.ch |
![]() Alle | |
Charte | |
![]() |
Alle isch e Gmeind im Bezirk Pruntrut im Schwiizer Kanton Jura. Uf dütsch het ma früener au Hall gseit, wo ma hüt aber nüm bruucht.
Alle isch es Huufedorf un ligt am Fluss Allaine im Elsgau ugfähr 4 km öschtlich vom Bezirkshauptort Pruntrut ewäg uf ere Höchi vo 450 Meter.
D Markig isch öppe 10,6 km² gross un de höchschti Punkt vo de Gmeind isch uf 530 Meter. Im 1997i isch 13 % vo de Gemeindsflächi bsidlet gsi, uf 21 % isch Wald gwachse un uf 65 % het ma buuret.
Nachbargmeinde vo Alle sin Cornol, Courgenay, Pruntrut, Coeuve, Vendlincourt un La Baroche.
S erschti Mol isch s Dorf in ere Schenkigsurkund vom Bischof vo Metz im Johr 797 erwähnt worde. Do het ma s Walo gnennt. In Urkunde us spöterer Ziit findt sich im 1136i Alla, 1221 Halla un 1225 s erscht Mol Alle. Im Johr 1271 het s Fürschtbistum Basel d Ortsherrschaft übernoh. Zwüsche 1793 un 1815 het Alle zu Frankriich ghört. De Wiener Kongress hets Dorf im 1815 im Kanton Bärn zugschproche. Sit ma am 1. Januar 1979 de Kanton Jura gründt het, ghört Alle zum jüngschte Kanton vo de Schwiiz.